Dâvi cha Izarei bei châta sathawthupa a châ tahpa Philistinâ mo ta ama thei nahta, Philistinâ mo zydua cha Dâvi tlua awpa ta khy ei ta. Cha thâtih cha Dâvi ta a thei nahta, thokhy lâ zu ta.
Cha khai tawhta Philistinâ pheisaih yna Kibia Elôhim tlô aw chi ta. Chatawhcha hetana heta a vaw châ aw. Khihpi na tlôpa nahta, su sâhpa tawhta â zupa hrohsopa py a tyh aw chi ta, totâ, khoh, ramo nata tlaipih tôtuhpazy ta hmia a sah aw ei ta, hrohsopazy ta hrohsona bie ama phuahpa na hmô aw.
Sawla ta Philistinâ pheisaih su a dyuh ta a pahniepa thâtih nata Izarei cha anosasyh ta Philistinâ mo khakhaipa ta â tao haw tahpa thâtihzy Izarei zydua ta thei ei ta. Izarei phopi cha Sawla hnohta Kilkal liata a hmaohpakhy ei ta.
Zawnathâ ta a chariah chhaichhi a chabatuhpa satliapa hnohta, “A vy teh, chopawtaileipa sahlao pheisaihzy yna lâ hao vaw tua ei si. Abeipa ta hmo miah a taopa thlâh ha ngyu aw. Chyhsa hluhpi ta tlyma, chyhsa chyhta tlyma, pachhana rai hria awpa ta Abeipa cha khâpa ta hmahta pakhâ thei vei,” tah ta.