2 SAMUELA 23:10 - Mara Bible RV (BSI)

¹⁰ Eliaza cha thyu ta, a ku a si khai hana taihta nata a ku zaozi liata â baipâ khai hana taihta Philistinâ mo thie ta, cha noh liata Abeipa ta pahniena rônahpa patlôsa ta, zawpizy cha athipazy hrao awpa deita ta Eliaza lâ â lie heihpa dei ama châ.

2 SAMUELA 23:10 ပူးပေါင်းရင်းမြစ်များ

2 SAMUELA 23:12

Sâmâh deikua cha abie thih liah khophie liata a duah ta, liahsa vaih ta, Philistinâ mo cha thie ta, Abeipa ta pahniena rônahpa a patlôsa.

2 ABEIZY 5:1

Aramia bei pheisaih hyutuhpa Nâmâ cha Abeipa ta Aramia mo pachhatuhpa ta a hmâ tyhpa vâta a zibeipa pachâna liata chyhsa zachhih ngaitapa nata mody kawpa châ ta. Ano cha chyhsa thatlôpa nata riahphapa châ ta, anodeikua phawhpa châ ta.

1 THÂTIHZYRONA 11:13

Ano cha Philistinâ mo ta a dyuh awpa ta amâ hmaohpakhyna su Pâsdâmi liata Dâvi hnohta a ypa kha a châ. Cha liata bâli sâh ta a biepa lyu y ta, Izarei pheisaihzy cha Philistinâ mo tawhta a râpai ei ta.

HLAZY 108:13

Khazohpa chhaota riahphapa ta a dyuh aw pi ta, Ano tlai ta eima chariahpazy a tlypâ aw.

HLAZY 144:10

Nâ cha beizy pahniena a pietuhpa châ chi ta, Zaozi thatlôpa tawhta châ chakaotuhpa Dâvi a pachhatuhpa na châ.

HLAZY 68:12

“Beizy nata ama pheisaihzy rawrôh ta a râ ei ta, Amâ râpai khai haw,” ama tah. O hâtuhpa chanôzy ta hraona sôh amâ rai.

ISAI 53:12

Thina taihta a hrona leihtha ta, Moleipazy hry liata rei pâpa ta a ypa chhao ta, Chyhsa hluhpi moleina phaoh ta, Hmoparaopazy châta thlah a chhâpa vâta, Ano cha chyhsa rônahpazy hry liata tovyuh rai aw na ta, Thatlôpazy hry liata hraona sôh a hmô hra aw.

RAWMA 15:18

Zenitaizy Khazohpa bie pazyhsa awpa ta Krista ta kei na hmâh ta, cha châta ei biereipa nata ei hmotaopazy dei leipa ta cha, bie hropa rei a chhuah va na.

2 KAWRINI 4:5

Keimo thâtih chho leipa pi ta, Zisu Krista cha Abeipa a châ tahpa chho pi ta, keimo chhao Zisu vâta nâmo châ chakaotuhpazy eima châpa eima chho tyh.

ZAWSUA 10:10

Abeipa ta Izarei sawzy hmiakô liata Amawri mo cha patypamâsa ta, Kibiô liata thata thie ei ta, Behôrô lâ khyna lâpi lâta a chadai ei ta, Azekâ nata Mâkedâ khihpi taihta thie lymâ ei ta.

ZAWSUA 10:42

Abeipa, Izarei Khazohpa ta Izarei cha â dyuhkheipa vâta, cha bei zydua nata ama râhzy cha Zawsua ta ei kha ta a la khai thei ha ei.

ZAWSUA 11:8

Abeipa ta âmo cha Izarei ku liata pie ta, Izarei sawzy ta thie ei ta, Sidaw Rônahpa nata Mirephôthami nata nochhi lâta Mizpâ saikao taihta a chadai ei ta, pakha hmah pahlôh leipa ta ama thie khai haw.

RYUREITUHPAZY 15:14

Lehi a tlô nahta, Philistinâ mo cha awh lymâna chôta ta ano lâ a vy ei ta. Abeipa Thlahpa cha a chô liata thlai vaw tlô ta, a bâh chahryna chaorizy cha, lari mei ta a kâ pachhôpa hawhta vaw châ ta, ano chahrynazy cha a kuzy tawhta tla khai ha ta.

RYUREITUHPAZY 15:18

Chatawhcha Sâsawna cha a dâhphi kaw ta, Abeipa pado ta, a hnohta, “Na sei hmâpa ta he pachhana he vaw patlôsa ha chi ta, tahmâ dâhphipa ta thipa ta, chopawtai leipazy ku liata ei pao aw ma?” tah ta.

1 SAMUELA 11:13

Châhrasala Sawla ta, “Tanoh hawhpa liana heta la ahy hmahta thie awpa châ vei, tanoh he Abeipa ta Izarei a pachhana noh a châ hih,” tah ta.

1 SAMUELA 14:23

Cha noh ta Abeipa ta Izarei cha pachha ta, Bethave khô lâ taihta amâ dyuh lymâ.

1 SAMUELA 14:6

Zawnathâ ta a chariah chhaichhi a chabatuhpa satliapa hnohta, “A vy teh, chopawtaileipa sahlao pheisaihzy yna lâ hao vaw tua ei si. Abeipa ta hmo miah a taopa thlâh ha ngyu aw. Chyhsa hluhpi ta tlyma, chyhsa chyhta tlyma, pachhana rai hria awpa ta Abeipa cha khâpa ta hmahta pakhâ thei vei,” tah ta.

1 SAMUELA 17:53

Izarei sawzy cha Philistinâ mo amâ chadaipa tawhta a lie ei ta, Philistinâ mo riehmo hrao ei ta.

1 SAMUELA 19:5

A hrona sokhâhpa ta Philistinâ chyhsa kha thie ta, Abeipa ta Izarei zydua châta pachhana rônah ngaitapa a tao. Cha cha nâ chhao ta hmô chi ta, nâ ly ngaitapa kha a châ. Khazia a chhâpa y leipa ta Dâvi cha thie aw chi ta, mosiapa thisaih chô liata moleina na tao aw?” tah ta.