2 SAMUELA 22:31 - Mara Bible RV (BSI)

³¹ “He Khazohpa lâpi cha phapaki ta, Abeipa bie cha â dozie pasia hapa châ ta, Ano a chhaituhpa zydua châta vyhphao a châ.

2 SAMUELA 22:31 ပူးပေါင်းရင်းမြစ်များ

2 SAMUELA 22:3

Khazohpa cha ei lôpanô châ ta, Ei chhaina nata ei vyhphao a châ. Ei pachhana ki nata ei thokhy a sâhpa châ ta, Ei chhaina nata nâ pachhatuhpa a châ. Thachahra thyuna tawhta eina pachha ha chi.

NEHEMIAH 9:8

Na hmiakô liata a palôh ngâchhihpa ta hmô chi ta, chatanachata Kâna mo, Hiti mo, Amawri mo, Perizi mo, Zebu mo nata Kikâsi mozy râh cha a pathlazy pie awpa ta, a hnohta biehrai na tao. Nâ cha asiapa châ chi ta, na bietai a patlôpa na châ.

ZAWBÂ 34:10

“Chavâta nâmo, hmo a pahno thaipazy saih u, Na nathlie teh u; Khazohpa cha hmo moleipa tao beih leipa aw ta, Atotaotheipa cha hmo doleipa tao beih aw vei.

HLAZY 119:140

Na bietai cha a phapa ta pasia hapa châ ta, Châ chakaotuhpa heta a pasô ngaita.

HLAZY 12:6

Abeipa biezy cha bie pathaihpa châ ta, Alei liata patina meihô liata tâkâ a thlipasohpa hawhta, Ei sari a thlipasohpa a châ.

HLAZY 145:17

Abeipa cha a yzie zydua liata sia ta, A hmotaopa zydua liata ngâchhihpa a châ.

HLAZY 18:30

He Khazohpa lâpi cha phapaki ta, Abeipa bie cha â dozie pasia hapa châ ta, Ano cha a chhaituhpa zydua châta vyhphao a châ.

HLAZY 2:7

Bieraopa ei phuah aw: Abeipa ta ei hnohta, “Ei sawchapawpa châ chi ta, Tanoh he na paw ei châ haw.

HLAZY 35:2

Vyhphao laipa nata vyhphao chyhpazy a chaba la, Na bao awpa ta thyu mah y!

HLAZY 84:9

Hy Khazohpa, eima vyhphao he moh la, Na sathawthupa hmia he sai tua!

HLAZY 91:4

A mathlaw hmi ta cha khu aw ta, A mathlaw ry liata achhaina na hmô aw; A ngâchhihna cha vyhphao nata thokhy a châ.

BIESOZY 30:5

Khazohpa bie zydua â do tahpa pasiapa châ ha ta, Ano cha a chhaituhpazy châta vyhphao a châ.

BIECHHOTUHPA 3:14

Khazohpa ta a taopa maih cha a y kôzaw aw tahpa ei pahno. Khâpa hmahta baichha theipa châ leipa aw ta, la bâ theipa cha aw vei. Chyhsazy ta a hmiakô liata chizapa ta ama y thei nawpa ta, Khazohpa ta a taopa a châ.

DÂNIAH 4:34

Cha nohzy chhâna liata, kei, Nebukaneza cha avâ lâ ei mo kaw khaih na ta, chatanachata ei pahnona cha kei lâta vaw kua heih ta, Chônôchaipa cha reithai na ta, tlyzaw ta a hrohpa cha reithaipa ta ei palyupalih. A ryureina cha tlyzaw ryureina châ ta, A khinarâh chhâ zydua ta â duah.

DÂNIAH 4:37

Chavâta tahmâ, kei, Nebukaneza ta avâ Beipa cha reithai na ta, palyupalihpa ta, ei parônahsa. Avâ Beipa cha a hmotaopa zydua a do ta, a lâpizy sia ta, a palaipazy a panawh theipa a châ.

MATHAI 5:48

Nama Paw avâ liata a ypa a sia pakipa hawhta, nâmo chhao nama sia paki awpa a châ.

RYHPACHANEINA 32:4

“Lôpanô cha a hmotaopazy siapaki ta, A lâpi zydua â do. Ano cha Khazohpa ngâchhihpa châ ta, Paraona hnei leipa ta, Asiapa nata adopa a châ.

BIEPHUAH 15:3

Khazohpa chakaotuhpa Mawsi hla nata Mietakutaw hlazy hetana heta ama sa: “Hy Atotaotheipa Abeipa Khazohpa, Na hmotaopazy rônah ta, Noâh â chhih kaw dia! Hy phopizy Beichaipa, Na lâpizy sia ta, Â do kaw dia!