2 SAMUELA 22:1 - Mara Bible RV (BSI)

¹ Dâvi cha a chariahpa zydua ku tawhta nata Sawla ku tawhta Abeipa ta a pachha noh ta, he hla biezy he hmâpa ta Abeipa reithai ta:

2 SAMUELA 22:1 ပူးပေါင်းရင်းမြစ်များ

2 SAMUELA 12:7

Nâthâ ta Dâvi hnohta, “Cha chyhsa cha nâma he na châ! Abeipa, Izarei Khazohpa ta hetana heta a tah: ‘Izarei bei châta sathaw cha thu na ta, Sawla ku tawhta ei cha pachha.

2 SAMUELA 22:49

Ei chariahzy tawhta nâ chhi papuatuhpa a cha. Nâ thyuhnaopazy chô lâta na chalo chi ta, Thachahra a hmâhpa chyhsazy tawhta eina pachha ha chi.

1 THÂTIHZYRONA 16:7

Chatanachata cha noh liata, Abeipa lâ alyna bie reina hla sa awpa ta, Dâvi ta Asâpha nata a unawhzy cha rao ta, he Dâvi hla phipa he Abeipa lâ ama hlâ.

HLAZY 34:19

Mosiapa cha pasa hluhpi tao ta, Châhrasala cha zydua tawhta Abeipa ta a pachha lymâ.

HLAZY 50:14

Khazohpa lâta alyna biereina atheihna hlâ la, Chônôchaipa hnohta na bietaizy patlô mah y.

PUASAINA 15:1

Chatawhcha Mawsi nata Izarei sawzy cha Abeipa palyupalihpa ta he hla he sa ei ta. “Abeipa lâ hla ei sa aw, Rônahpa ta pahnie ta, Arâ nata a kiahtuhpa tilaipi chhôh lâ a thy hapa vâta.

2 KAWRINI 1:10

Khazohpa ta thina chichhihpa tawhta miah pachha ha ta, miah pachha heih aw ta, miah a pachha lymâ aw tahpa eima hnabeiseihna ano liata eima pahnieh.

RYHPACHANEINA 31:30

Mawsi ta Izarei zawpi zydua theina liata he hla biezy he achhâna taihta reih ta.

2 TIMAWTHY 4:18

Abeipa ta moleipa zydua tawhta na pachha aw ta, a vâ khinarâh lâ â bohpa ta eina tlôkhei aw. A hnohta chhâzaw nata tlyzaw ta rônahna y mawh sy. Amen.

RYUREITUHPAZY 5:1

Cha noh liata Debawrâ nata Abinôâ sawchapawpa Bâraka ta, hetana heta hla ama sa:

1 SAMUELA 23:14

Dâvi cha Ziphi râhchawhpa tlâh râh liata thokhy ta dôhpa khihpizy liata y ta. Sawla ta ano cha noh chareih ta tlua ta, châhrasala Khazohpa ta Dâvi cha a ku liata pie leipa ta.

1 SAMUELA 24:15

Chavâta Abeipa ta nâma nata keima likah pachia sala, bietluna tao mawh sy. Hmo yzie moh sala, ei chhâh a châ sala, na ku tawhta na pachha mawh sy,” tah ta.

1 SAMUELA 25:29

Nâma a chadai awpa nata na hrona pahlei awpa ta chyhsazy vaw thyu hra ei sala, ei zibeipa hrona cha, Abeipa na Khazohpa mohôhna ry liata, a hrohpazy hry liata pahlaopa châ aw ta, na chariahpazy hrona deikua cha, cheisiah ta siapa hawhta Abeipa ta âmo cha siah aw ta, ama leidia aw.

1 SAMUELA 26:24

Pachâ teh, tanoh ei mohmô liata na hrona ei pasôpa hawhna heta, keima hrona chhao Abeipa mohmô ta pasôpa ta y sala, nôpona zydua tawh­ta na pachha mawh sy,” tah ta.

1 SAMUELA 27:1

Dâvi ta a palôh liata, “Khati ta ma cha Sawla ku liata ei leidia ualua aw hih. Philistinâ râh lâ a râpa hlâta a pha viapa y thlyu aw vei. Sawla ta Izarei râh liata eina tluapa he a hnabeidy daihti tlô aw ta, chatanachata a ku tawhta ei boh ha aw,” tah ta.