2 SAMUELA 21:7 - Mara Bible RV (BSI)

⁷ Châhrasala Dâvi nata Zawnathâ cha bie a taih ei ta, ama likah liata Abeipa liata bietai a ypa vâta, abei ta Sawla sawchapawpa Zawnathâ sawchapawpa Mephibôse cha pahlôh ta.

2 SAMUELA 21:7 ပူးပေါင်းရင်းမြစ်များ

2 SAMUELA 16:4

Abei ta Zibâ hnohta, “Nathlie teh, Mephibôse hneipa zydua nâma eih a châ,” tah ta. Zibâ ta, “Ei châ naoh na, Hy ei zibeipa abei y, na modypa ta y ei chhuah lymâ aw,” tah ta.

2 SAMUELA 19:25

Abei dy awpa ta Zerusale a vaw tlô nahta, abei ta a hnohta, “Mephibôse, khazia ei hnohta na vaw sie hra vei?” tah ta.

2 SAMUELA 4:4

Sawla sawchapawpa Zawnathâ ta sawchapaw pheisypa hnei ta. Sawla nata Zawnathâ thâtih Zezari tawhta a vaw tlô nota kô pangawhpa dei châ chy ta. Ano a mohôhtuhpa ta a pyh ta, a râkhei ta, a râ awpa ta â parana liata pathla ta, a phei a sy hapa a châ. A moh cha Mephibôse a châ.

2 SAMUELA 9:1

Dâvi ta, “Zawnathâ vâta a pathlazy chô liata ngiachhiena ei palâsa thei nawpa ta, Sawla pathlazy hry liata a hrohpa pakha chhâ ama y tlyma i?” tah ta.

2 SAMUELA 9:10

Ano châta alei palie aw ei chi ta, nâ nata na sawchapawzy nata châ chakaotuhpazy ta kôveizy vaw cheih tyh aw chi ta, chatanachata na zibeipa samohpa cha niedo a hnei aw. Na zibeipa samohpa Mephibôse deikua cha, ei tlâhkhai liata pati a dôh lymâ aw,” tah ta. Zibâ cha sawchapawpa pahrawh hleipangawh nata chakaotuhpa pakih hnei ta.

2 SAMUELA 9:6

Sawla sawchapawpa Zawnathâ saw­chapawpa Mephibôse cha Dâvi lâ a vy ta, a hmia lâta pao ta, a naoh ta. Dâvi ta, “Mephibôse!” tah ta. Ano ta, “Châ chakaotuhpa ei châ,” tah ta.

2 SAMUELA 9:7

Dâvi ta a hnohta, “Chi kha, na paw Zawnathâ vâta na chô liata ngiachhiena ei palâsa aw. Na mapaw Sawla râh zydua kha cha pie pakhua khai aw na ta, ei tlâhkhai liata pati na dôh lymâ aw,” tah ta.

BIECHHOTUHPA 8:2

Abei cha Khazohpa bietai a daopa a châpa vâta, a biepiepa zyh mah y.

1 SAMUELA 18:3

Zawnathâ ta Dâvi cha ano hrona hawh tlai ta a kyh a pachâpa vâta, a hnohta biehrai tao ta.

1 SAMUELA 20:12

Zawnathâ ta Dâvi hnohta, “Zehôvah, Izarei Khazohpa cha pahnokheituhpa châ maw sy! Mylâ he daihti liata tlyma, hânoh tlyma, ei paw palôh phaozie pasia aw na ta, Dâvi chô liata â ly kaw khiahta cha, nâ lâ chyhsa vaw tuah aw na ta, ei cha chho aw.

1 SAMUELA 20:15

Ei thi ha khiahta deikua cha, na ngiachhiena cha ei chhôhkha chô liata chhâzaw ta chhawh pathlah beih khah y,” tah ta.

1 SAMUELA 20:17

Zawnathâ ta Dâvi cha, a kyh a pachâna kyh reipa ta, bie pataihsa heih ta. Ano hrona kyh a pachâpa tlu ta, Zawnathâ ta Dâvi cha a kyh a vaw pachâpa a châ.

1 SAMUELA 20:42

Zawnathâ ta Dâvi hnohta, “Thlalôhpa ta sie mah y, ‘Abeipa cha keima nata nâma likah nata ei pathlazy nata na pathlazy likah liata chhâzaw ta y mawh sy,’ tahpa ta Abeipa moh ta bie liahsa eimâ taih raihrie ha khaw,” tah ta. Chatanachata Dâvi cha thyu ta, sie ha ta. Zawnathâ chhao khihpi lâ a lie ha hra ta.

1 SAMUELA 20:8

Châ chakaotuhpa he Abeipa biehrai liata a ngiakhei ha chi ta, chavâta châ chakaotuhpa chô liana he ngiachhiena rie palâsa mah y. Thaileichâna ei hnei khiahta deikua cha, nâma tlai ta na thie thlâh ha mah y, khazia na paw lâ cha einâ chhi ngâ kaw aw chi?” tah ta.

1 SAMUELA 23:18

Ama pano ta Abeipa hmiakô liata bie hraih ei ta. Dâvi cha Hôresâ liata a ngua ta, Zawnathâ cha o lâ sie ha ta.

1 SAMUELA 24:22

Dâvi ta Sawla cha bie a taih ta. Chatawhcha Sawla cha o lâ sie ta, Dâvi nata a chyhsazy deikua cha thokhy lâ khy ha ei ta.