2 SAMUELA 21:3 - Mara Bible RV (BSI)

³ Dâvi ta Kibiô mo hnohta, “Khâpa ma ei cha taopa aw ei? Abeipa ryuto râh he byhnâ nama awpa thei nawpa ta, kheihta ma chatlaina ei tao aw?” tah ta.

2 SAMUELA 21:3 ပူးပေါင်းရင်းမြစ်များ

2 SAMUELA 20:19

Kei he Izarei liata aryhna a khohpa nata chyhsa ngâchhihpazy hry liata a hlaopa ei châ. Nâ deikua cha Izarei nô a châpa khihpi parao nâ chhuah. Abeipa ryuto he khazia parao khai ha awpa nâ chhuah tly?” tah ta.

PUASAINA 32:30

A mylâ ta Mawsi ta zawpi hnohta, “Moleina lai ngaitapa nama tao haw. Tahmâ he Abeipa lâ khy aw na ta, nama moleina chatlaina ei tao thei aw tly ma,” tah ta.

THEIHTHAINA 1:4

Raopa hlâna luh chô liata a ku pahnieh aw ta, chatanachata ano chatlaina châta raopa hlâna cha ano vyuhpa ta a pyhpa a châ aw.

ZAWNA 1:11

Chatawhcha a hnohta, “Eima châta tilaipi â chalih thei nawpa ta, kheihta ma eima cha tao aw?” tah ei ta. Tilaipi cha a chatlao via ngâ kaw ta.

HEBRAI 9:22

Hmeiseihta ta, ryhpa ry liata cha, ato zydua thisaih ta pathaisapa châ ta, thisaih palo leipa ta molei ngiahthaina rai y vei.

1 SAMUELA 2:25

Chyhsa ta chyhsa chô liata a molei khiahta cha, Khazohpa ta paryhkhei aw ta, chyhsa ta Abeipa chô liata a molei khiahta cha, ahy ma a paryhkhei khao aw?” tah ta. Châhrasala Abeipa ta âmo cha thie â chhuah hapa vâta, ama paw bie cha nathlie khoh pyly veih ei.

1 SAMUELA 26:19

Chavâta ei zibeipa abei y, châ chakaotuhpa biezy he tahmâ vaw nathlie tua mah y. Keima nâ dyuh awpa palôh châ pahneisapa he, Abeipa a châ khiahta cha, hmohlâpa a pyh sala, chyhsazy ama châ khiahta deikua cha, Abeipa hmiakô liata chhiesapa ta y mawh sy. ‘Sie la khazoh hropazy kei chakao teh,’ na tah ei ta, Abeipa ryu liata tovyuh ei hnei thei lei nawpa ta, tanoh eina papua ha ei hih.