2 SAMUELA 21:22 - Mara Bible RV (BSI)

²² Cha papalihpazy cha Kâthâ khihpi liata mopahreihpa pathlazy châ ei ta, Dâvi ku ta nata a chakaotuhpazy ku ta ama thi khai haw.

2 SAMUELA 21:22 ပူးပေါင်းရင်းမြစ်များ

2 SAMUELA 21:16

Mopahreihpa pathlazy hry liata Isbibenô ta Dâvi cha thie a chhuah ta. Isabibenô asei cha dawh sekel za thôh a hripa châ ta, zaozi thiehpa a vao ta.

2 SAMUELA 21:21

Cha chyhsa chata Izarei sawzy cha pahao ta, Dâvi unawhpa Simei sawchapawpa Zawnathâ ta a thie haw.

1 THÂTIHZYRONA 20:8

Âmo cha Kâthâ liata mopahreih­pazy pathla châ ei ta, Dâvi nata a chyhsazy ku liata a thipazy ama châ.

HLAZY 108:13

Khazohpa chhaota riahphapa ta a dyuh aw pi ta, Ano tlai ta eima chariahpazy a tlypâ aw.

HLAZY 118:15

Mosiapazy poh o liata la, Pachhana thaphana hlazy ta bie ta, Hetana heta ama sa tyh: “Abeipa ku chachâh lâta riahpha ngaitapa ta tao ta,

HLAZY 60:12

Khazohpa chhaota riahphapa ta a dyuh aw pi ta, Ano tlai ta eima chariahpazy a tlypâ aw.

BIECHHOTUHPA 9:11

Noh ry liata ei hmô heihpa cha he he a châ: Arâpasuana liata a râ theipa ta pahniena to hlei leipa ta, Adyuhna liata chhao thatlôpa ta pahniena to hlei vei; Asopa ta nie a phahla ta, Novâhpa hneirôh hlei leipa ta, Athaipa chhao khokheina to hlei vei. Chyhsa to ta daihti nata ryhpaohna ama hnei chyu.

ZEREMIAH 9:23

Abeipa ta hetana heta a tah: “Chyhsa sopa ta a sona a palaikhei khah sy; Chyhsa thatlôpa chhao a thatlôna a palaikhei leipa sala, Chyhsa hneirôhpa ta a hneirôna a palaikhei khah sy.

RAWMA 8:31

Cha kyhzy liana chata khâpa eima reih khao aw? Khazohpa eima chhâh â châ khiahta cha, ahy miah a dyuh thei aw?

RAWMA 8:37

Pachhaih bao va! Cha zydua liana chata kyh miah pachâtuhpa vâta, pahnietuhpazy hlâta rônah viapa eima châ.

ZAWSUA 14:12

Chavâta Abeipa ta na pie awpa ta, kha noh ta a reipa tlâh râh he kei na pie mah y. Cha liata Anâki mo y ei ta, ama khihpizy lai ngaita ta, thokhyzy ta dôh khaipa ama châ tahpa chhao, kha noh ta pahno ha chi ta. Abeipa ta na bao aw ta, Abeipa ta a reipa hawhta, âmo cha ei papua aw ei,” tah ta.