2 SAMUELA 21:21 - Mara Bible RV (BSI)

²¹ Cha chyhsa chata Izarei sawzy cha pahao ta, Dâvi unawhpa Simei sawchapawpa Zawnathâ ta a thie haw.

2 SAMUELA 21:21 ပူးပေါင်းရင်းမြစ်များ

2 SAMUELA 13:3

Amanaw heta viasa pakha, a moh Zônadâ ama tahpa hnei ta, ano he Dâvi unawhpa Simei sawchapawpa a châ. Zônadâ he chyhsa so piehpie ngaitapa châ ta.

2 SAMUELA 21:20

Kâthâ liata adyuhna y heih ta. Cha khihpi liata chyhsa mopahreih ngaitapa, a ku chavei chachâh kuparo miacharu hnei ta, a phei chavei chachâh ta pheiparo miacharu a hneipa, a zydua ta kuparo nata pheiparo mia kih nata miapalih a hneipa y ta. Ano chhao cha mopahreihpazy pathla châ ta.

2 SAMUELA 21:22

Cha papalihpazy cha Kâthâ khihpi liata mopahreihpa pathlazy châ ei ta, Dâvi ku ta nata a chakaotuhpazy ku ta ama thi khai haw.

2 ABEIZY 19:13

Khataih liata Hâmathi bei, Apâ bei, Sephavai khihpi bei, Henâ bei nata Ivâ beizy kha ama y khai haw?’ tahpa ta nama chho aw,” tah ta.

1 THÂTIHZYRONA 2:13

Zese ta sawchapaw uhtheipa Eliabâ sa ta, panona Abinadâ, pathôhna Simia,

1 THÂTIHZYRONA 27:32

Dâvi puhpa Zawnathâ cha chyhsa sopa nata châthaipa a châpa vâta, ryhraokheituhpa a châ. Ano nata Hâkamôni sawchapawpa Zehie cha abei sawchapawzy pachutuhpa ama châ.

1 SAMUELA 16:9

Zese ta Sâmâh pavawsa heih ta. Samuela ta, “He chhao he Abeipa ta â tlypa châ vei,” tah ta.

1 SAMUELA 17:10

Philistinâ chyhsa chata, “Tanoh he Izarei pheisaihzy ei cha pahao ei. Chyhsa pakha vaw papua u la, eimâ tu aw,” tah ta.

1 SAMUELA 17:3

Philistinâ mo cha hiakha lâ tlâh liata a duah ei ta, Izarei mo ta âmo riaaipa ta hiakha lâ tlâh liata a duah hra ei ta, ama likawh cha saikao ta padai ta.

1 SAMUELA 17:36

Châ chakaotuhpa he chakeibarôhneipa nata chavyh zy vaw thie ha tyh na ta, he chopawtaileipa Philistinâ chyhsa chhao he, Khazohpa hrohpa pheisaihzy a pahaopa vâta, âmo hawh pyly cha a châ hra aw,” tah ta.