2 SAMUELA 21:12 - Mara Bible RV (BSI)

¹² Dâvi cha sie ta, Sawla ruzy nata a sawchapawpa Zawnathâ ruzy cha Zabekilia lâ za la ta. Philistinâ mo ta Kibô liata Sawla ama thie noh ta, Sawla nata Zawnathâ cha Besâ bypi liata bangieh ei ta, cha tawhtapa cha Zabekilia mo ta arulâta ama ri ama vaw lapa kha a châ.

2 SAMUELA 21:12 ပူးပေါင်းရင်းမြစ်များ

2 SAMUELA 1:21

“Nâmo Kibô tlâhpizy saih u, Nama tlâhzy liata pasaipha vyhphao papuapaleipa châ ta, Sawla vyhphao sathaw thupa a châ khao leipa vâta; Nama chô liata diati tla leipa sala, Vâsua tla hra leipa sala, Lyu ta kôvei papua khao khah sy!

2 SAMUELA 1:6

A chhotuhpa satlia ta, “Kheihtazie ta tlyma Kibô Tlâh liata vaw y na ta, Sawla cha asei a hniehpa ta a duah thlâh ha ta, talailihzy nata arâ pheisaihzy ta ano cha a vaw hnia via ngâ kaw ei ta.

2 SAMUELA 2:4

Zudâh chyhsazy a vy ei ta, cha liata Dâvi cha Zudâh pathlazy chô liata bei châ awpa ta sathaw ama thu. “Sawla ri cha Zebekilia mo ta ama pabu,” tahpa ta Dâvi cha chho ei ta,

2 SAMUELA 21:11

Sawla nôtho Aihza sawchanô Rizpâ hmotaopa cha Dâvi chho ei ta.

2 SAMUELA 21:13

Sawla ruzy nata a sawchapaw Zawnathâ ruzy cha Zabekilia tawhta kaw phaoh ta, ama paaosaopazy ru chhao pakhy ei ta.

1 THÂTIHZYRONA 10:1

Philistinâ mo ta Izarei a dyuh ei ta, Izarei mo cha Philistinâ mo hmiakô liata a râpai ei ta, Kibô Tlâh liata thiepa châ ei ta, ama pao haw.

1 THÂTIHZYRONA 10:12

pasaipha zydua pua ei ta, Sawla nata a sawchapawzy ri kei la ei ta, Zabe khihpi lâ ama siekhei haw. Ama ruzy cha Zabe khihpi liata ôkâ tho ry liata pabu ei ta, noh sari chhôh kâhvileipa ta y ei ta.

1 THÂTIHZYRONA 10:8

A mylâ ta, Philistinâ mo cha ama chariah thiepazy chysia pahluh awpa ta vawh ei ta, Kibô Tlâh liata Sawla nata a sawchapawzy ri a zawh thlâh hapa kei hmô ei ta.

ZAWSUA 17:11

Iskâra nata Asera râhzy liata chhao Manase ta khihpizy hnei ta, Besia nata a khichapeihzy, Ibalia nata a khichapeihzy, Dôrâ khihsawzy nata a khichapeihzy, Enadô khihsawzy nata a khichapeihzy, Tânâ khihsawzy nata a khichapeihzy nata Mekidô khihsawzy nata a khichapeihzy cha Manase khihpizy châ ei ta, bia thôh a ô.

1 SAMUELA 28:4

Philistinâ mo cha a pahmaohpakhy ei ta, a vy ei ta, Sune liata riehmo paryh ei ta. Sawla ta Izarei mo zydua awpakhy ta, Kibô liata riehmo paryh hra ei ta.

1 SAMUELA 31:1

Philistinâ mo ta Izarei a dyuh heih ei ta. Izarei chyhsazy cha Philistinâ mo hmiakô tawhta a râpai ei ta, Kibô Tlâh liata thiepa ta y ei ta.

1 SAMUELA 31:3

Adyuhna cha ru ngaita ta, Sawla cha thata chadie ei ta, likathaipazy ta Sawla cha hmô ei ta, hmah thata paphao ei ta.

1 SAMUELA 31:4

Sawla ta a chariah chhaichhi a chabatuhpa hnohta, “Na zaozi kha phia la, nâ vaw chôsao teh, chataleipatala chopawtaileipa sahlaozy a vy aw ei ta, nâ vaw chôsao aw ei ta, einâ palai thlu pathlei aw ei na,” tah ta. Châhrasala a chariah chhaichhi chabatuhpa cha a chi ngaitapa vâta tao kho leipa ta. Sawla ta ano zaozi la ta, pao thlu ta.