2 SAMUELA 21:10 - Mara Bible RV (BSI)

¹⁰ Aihza sawchanô Rizpâ cha latho poh la ta, lôpanô chô liata phaw ta, sâh hria a thao daihti tawhta cha liata y ta, avâ lâ tawhta avâ a vaw suana taihta y ta. Nohchhô ta vâ pavawzy ta lôpanô chô liata amâ cho awpa pasaih leipa ta, zâ ta lyurâhpa sazy ta a chô liata ama y awpa chhao pasaih hra vei.

2 SAMUELA 21:10 ပူးပေါင်းရင်းမြစ်များ

ÂTHAONA 40:19

Tahmâ tawhta noh thôhna liata, Phiraoh ta na luh cha tai aw ta, na pôhpa tho liata a pangieh aw. Pavawzy ta na sapa ama nie aw,” tah ta.

2 SAMUELA 21:11

Sawla nôtho Aihza sawchanô Rizpâ hmotaopa cha Dâvi chho ei ta.

2 SAMUELA 3:7

Sawla ta nôtho hnei ta, a moh cha Rizpâ châ ta, ano cha Aihza sawchanô a châ. Isabôse ta Abane hnohta, “Khazia ei paw nôtho lâ nâ ngia?” tah ta.

1 ABEIZY 21:27

Ahabâ ta cha biezy cha a thei nahta, a chysiazy hrie ta, a sasaihpa ta latho poh a bu ta, kâhvileipa ta y ta, latho poh liata a zia ta, a thachhâ kaw ta.

ZEREMIAH 14:22

Pho hropa khazohzy hry liata, Avâ a pasuasa theipa ama y ma? Avâzy khi ta avâ ama pasuasa thei ma? Hy Abeipa eima Khazohpa, Avâ a pasuasa theipa cha nâ deita châ va chi ma? He hmo zydua he nâma taopa a châpa vâta, Nâma lia deita ta eima hnabeiseihna a y.

EZEKIA 39:4

Izarei tlâhpizy chô liata pao aw chi ta, nâ nata na pheisaih zydua nata na hnohta a ypa phopizy nama pao khai aw. Nama rizy cha sa hei a niepa pavaw to nata râh sahrâhpa to nie awpa ta ei pie aw.

HÔSIA 6:3

Abeipa pahnona chadai sih la, Ano cha pahno lymâ suh u; Khihdei awpa a siapa hawhta, Ano chhao â vaw luah tlai aw. Vâsua hawhta keimo lâ a vy aw ta, Châhvâ vâsua ta chhaohlei a padâpa hawhta â vy aw.”

ZÔELA 1:18

Sahrohzy a rôhpa pasazie rimâ cha! Sibie hrohpa a y khao leipa vâta, Viahchao hrizy ama nôpo ta, Mietaku zawzy pasa ama tao.

ZÔELA 2:23

“Hy Zaio sawzy saih u, Thaphapa ta y u la, Abeipa nama Khazohpa liata a ly teh u. Namâ dona palâsa nawpa ta, Abeipa ta khihti hmiatuapa cha pie ei ta, Nama châta khihti a paphasa ha hih; Hlâno daihti hawhna khata, Khihti hmiatuapa cha pie heih ei ta, Khihti hnôh chaipazy a cha pie heih ei hih.

ZEKARIA 10:1

Châhvâ daihti liata Abeipa lâ vâsua hiah u la, Vâ thlih a taotuhpa Abeipa lâta hiah teh u. Chyhsazy châta vâkatlâ pasuasa aw ta, Mo to hnohta lyurâh sibiepazy a pie aw.

RYHPACHANEINA 11:14

nama râh liata a daihtita liata vâsua hmiatuapa nata vâsua hnôhchaipa zy pasuasa tyh aw na ta, chatanachata nama sâh, nama kresawhti nata nama sathaw kôveizy nama pakhy tyh aw.

RYHPACHANEINA 21:13

sei chysia pahluh aw ei ta, nama o liata ama y aw. Thla kha bohloh ama nô nata ama paw mâchhie ama sa tua aw. Cha khai tawhta âmo lâ a ngia aw ei chi ta, ama vahpa châ aw chi ta, nama lapinô ama châ aw.

RYHPACHANEINA 21:22

“Chyhsa ta thie tlâhpa moleina tao sala, thiepa châ sala, tho liata a ri nama bangieh khiahta cha,

RYHPACHANEINA 21:23

a ri cha tho liata azozâkhihdei a y awpa châ vei. Cha noh lia tlai ta nama pabu awpa a châ. Tho liata bangiehpa maih cha Khazohpa chhiesapa châ tlôh ei ta, Abeipa nama Khazohpa ta ryuto châta a cha piepa ei nama râh cha nama papuapalei awpa châ vei.

1 SAMUELA 17:44

Philistinâ chyhsa ta Dâvi hnohta, “A vy teh, na sa kha vâ pavawzy nata râhsazy ei pie aw,” tah ta.

1 SAMUELA 17:46

Tanoh he Abeipa ta nâma kha ei ku liata eina pie aw. Cha thie aw na ta, na luh cha tai aw na ta, Philistinâ pheisaih rizy cha tanoh he vâ pavawzy nata râhsazy ei pie aw ei. Chatanachata khizaw zydua ta Izarei liata Khazohpa a y tahpa ama pahno aw.