2 SAMUELA 21:1 - Mara Bible RV (BSI)

¹ Dâvi ryureina daihti liata, â zaopa ta kô thôh chakâhna tlô ta. Dâvi ta Abeipa hmia pado ta. Abeipa ta, “Sawla ta Kibiô mo a thiepa vâta, ano nata a chhôhkha chô liata thisaih maoh a y,” tah ta.

2 SAMUELA 21:1 ပူးပေါင်းရင်းမြစ်များ

ÂTHAONA 12:10

Cha râh liata chakâhna vaw tlô ta, râh liata chakâh mozohpa vâta, Abarâ cha Izi râh liata y chy awpa ta zu ta.

ÂTHAONA 26:1

Abarahâ a hro nota chakâhna a tlô khai tawhna khata, râh liata chakâhna vaw tlô heih ta. Chavâta Aisika cha Philistinâ bei Abimele yna Kerâ khih lâ sie ta.

ÂTHAONA 41:57

Khizaw zydua liata chakâh mozoh a tlôpa vâta, Zawsi tawhta sâh chalei awpa ta, râh to tawhta Izi râh lâ vaw pangai ei ta.

ÂTHAONA 42:5

Kâna râh liata chakâhna a tlôpa vâta, Izarei sawchapawzy cha, sâh chalei awpa ta a siepazy hry liata sie hra ei ta.

ÂTHAONA 43:1

Cha râh liata chakâh mozohna cha tlô lymâ ta.

2 SAMUELA 16:8

A ryureina na chhupa Sawla chhôhkha thisaih zydua kha Abeipa ta na chô liata vaw paliesa ta, khinarâh cha na sawchapawpa Absalaw hnohta Abeipa ta a pie haw. Pachâ teh, thisaih palo hmâhpa chyhsa na châpa vâta, nâmasasyh ta nâ parao haw,” tah ta.

2 SAMUELA 20:26

Zairi chyhsa Irâ cha Dâvi theihthaipa a châ.

2 SAMUELA 21:5

Kibiô mo ta abei hnohta, “Miah a palâ khai hapa nata Izarei râh liata eima y hra lei nawpa ta miah pamua a chhuahpa chyhsa kha,

2 SAMUELA 24:1

Abeipa cha Izarei chô liata a pathi ia heih ta, chatanachata âmo patypamâ awpa ta Dâvi cha pasyu ta, a hnohta, “Sie la, Izarei nata Zudâh maluh kei reih teh,” tah ta.

2 SAMUELA 5:19

Dâvi cha Abeipa a saohiah ta, “Philistinâ mo a dyuh awpa ta ei khy aw ma? Âmo cha ei ku liata eina pie aw chi ma?” tah ta. Abeipa ta Dâvi hnohta, “Khy mah y, Philistinâ mo cha na ku liata ei cha pie tlai aw,” tah ta.

2 SAMUELA 5:23

Dâvi ta Abeipa a saohiah ta, Abeipa ta, “Khy aw va chi, ama hnôh lâta chahlô la, malburi kô dady liata âmo a kei dyuh teh.

1 ABEIZY 17:1

Kilia râh Tisabi khih liata Tisabi chyhsa Elaizâh ta Ahabâ hnohta, “Ei chakao tyhpa Abeipa, Izarei Khazohpa hrona reipa ta ei reih. Kô khazie chhôh tlyma cha ei bie leipa ta diati nata vâsua rai tla aw vei,” tah ta.

1 ABEIZY 18:2

Elaizâh cha Ahabâ hnohta a luah awpa ta sie ta. Samâri râh liata chakâh mozoh tlô ta.

2 ABEIZY 6:25

Samâri khihpi cha ama dôh hapa vâta, khihpi liata chakâh mozoh tlô ta, alâ luh miakha cha tâkâ sekel sycharie ta zuah ei ta, vachhuh ie saikhua khophie cha tâkâ sekel tlaw pangawh ta zuapa a châ.

2 ABEIZY 8:1

Elaisâh ta a sawchapawpa a pahro heihpa chanô hnohna kha ta, “Thyu la, na chhôhkha chhao ta nama y theina su lâ kei y chy muh vy. Abeipa ta chakâhna aw ha ta, râh liana he kô sari chhôh chakâhna a tlô aw,” tah ta.

ZAWBÂ 10:2

Khazohpa hnohta, Thailei na pachâ khah y, Tah aw na ta, Khazia eina chakhia chi, Na chho teh, ei tah aw.

HLAZY 27:8

“Ei hmia na tlua muh vy,” tah chi ta, “Hy Abeipa, na hmia tlai cha ei tlua,” tahpa ta, Ei palôh ta a cha chho.

HLAZY 50:15

Nôpona noh liata na pado la, Cha pachha aw na ta, Chatanachata eina parôhnasa aw chi,” Abeipa ta a tah.

HLAZY 91:15

Eina pado tita a chhy aw na ta, Nôpona daihti liata a hnohta ypa ta, Pachha aw na ta ei palyupalih aw.

THEIHTHAINA 26:26

Nama viahchhâ lana lâpi ei chhie pachhô tita cha, chanô pahrawh ta viahchhâ taona beih miakha liata nama viahchhâ tao aw ei ta, nama viahchhâ cha khopathliahpa ta ama cha pie heih aw. Nie aw ei chi ta, nama rih bie hlei aw vei.

MALUHREINA 27:21

Ano cha theihthaipa Eliaza hmiakô liata a duah aw ta, theihthaipa Eliaza ta Abeipa hmiakô liata Uri hmâpa ta pachiana bie a hiahripa tyh aw. Ano nata a hnohta a ypa Izarei zawpi zydua ano rei sai ta pua aw ei ta, ano rei sai ta amâ ngia aw,” tah ta.

ZAWSUA 7:1

Châhrasala Izarei sawzy ta pahleipadia awpa hmozy kyh liata hmo parao ei ta. Zudâh chi Zerâ sawchapawpa Zabidi, Zabidi sawchapawpa Kâmi, Kâmi sawchapawpa Âkhâ ta pahleipadia awpa hmo vaw la ha ta. Chavâta Abeipa cha Izarei sawzy chô liata a pathi ia ta.

ZAWSUA 9:20

Hetana heta ama chô liata tao sih la, pahlôh thlâh ha suh u. Chataleipatala ama hnohta bie a vaw taih ha tlôh pi ta, eima chô liata Abeipa hiehâhna a vaw tlô pathlei aw na,” tah ei ta.

RUTHI 1:1

Ryureituhpazy ta ryu ama reina daihtizy liata, Izarei râh liata chakâhna vaw tlô ta. Zudâh râh Bethlehe chyhsa pakha cha, a lapinô nata a sawchapaw panopazy chhaota Môabâ râh liata pahrâ chy awpa ta sie ta.

1 SAMUELA 10:22

Abeipa hiahri heih ei ta, “Chyhsa a vy awpa ama y khao ma?” tah ei ta. Abeipa ta, “Moh teh u, hmobaoh hry liata â nyu thlâh haw,” tah ta.

1 SAMUELA 23:11

Keilâh khihsawzy heta a ku liata eina hlâ aw ei ma? Châ chakaotuhpa ta ei theipa hawhna chata, Sawla cha â zu tlai aw ma? Hy Abeipa, Izarei Khazohpa y, ngiachhiepa ta châ chakaotuhpa he chho mah y,” tah ta. Abeipa ta, “Â zu aw,” tah ta.

1 SAMUELA 23:2

Dâvi cha Abeipa a saohiah ta, “Philistinâ mo cha a dyuh awpa ta ei sie aw ma?” tah ta. Abeipa ta Dâvi hnohta, “Sie la, Philistinâ mo cha a zâ dyu la, Keilâh khih za pachha teh,” tah ta.

1 SAMUELA 23:4

Dâvi ta Abeipa a saohiah heih ta, Abeipa ta a chhy ta, a hnohta, “Thyu la, Keilâh lâ cha zu teh, Philistinâ mo cha na ku liata ei cha pie aw,” tah ta.