2 SAMUELA 20:6 - Mara Bible RV (BSI)

⁶ Dâvi ta Abisai hnohta, “Bikhari sawchapawpa Sebâ heta Absalaw hlâta eima chô liata chhiena a tlôkhei via aw. Na zibeipa chakaotuhpazy he a chhi la, a kei chadai teh. Chataleipatala thokhy hneipa khihpizy liata a ngia hmâ aw ta, eima mohmô tawhta â râ pathlah pathlei aw na,” tah ta.

2 SAMUELA 20:6 ပူးပေါင်းရင်းမြစ်များ

2 SAMUELA 10:14

Aramia mo amâ râpai hapa Amawna mo ta ama hmô nahta, âmo chhao cha Abisai hmiakô liata a râpai ei ta, khihpi liata amâ ngia haw. Chatawhcha Zôabâ cha Amawna mo adyuhna tawhta a lie ta, Zerusale lâ sie ha ta.

2 SAMUELA 11:11

Uria ta Dâvi hnohta, “Byh nata Izarei nata Zudâh zy byureih liata y ei ta, ei zibeipa Zôabâ nata ei zibeipa chakaotuhpazy chhao lyurâhpa liata a rie ei ta. Cha nota kheihta ma kei cha ei o lâ a dipa ta, niepa ta doh sah la, ei lapinô ei ziakhei thei aw? Na hrona nata na thlahpa hrona reipa ta ei reih, cha hawhpa hmo cha tao beih aw va na,” tah ta.

2 SAMUELA 18:12

Cha chyhsa chata Zôabâ hnohta, “Ei ku liata tâkâ tlaw sâh kha ei daopa chhao ta, abei sawchapawpa chô liata ei ku hy cheita aw va na. Eima nah theina lia tlai ta abei ta nâma nata Abisai nata Itai hnohta, ‘Keima vâta thyutliapa Absalaw kha rie pahlôh muh vy,’ tahpa ta bie a cha piepa ei kha.

2 SAMUELA 18:2

Dâvi ta pheisaihzy cha tuah ta, su thôh su kha cha Zôabâ ta hyu ta, su kha cha Zôabâ unawhpa Abisai, Zeru sawchapawpa ta hyu ta, su kha hropa cha Kiti chyhsa Itai ta a hyu ei. Abei ta pheisaihzy hnohta, “Keima chhao nama hnohta ei vaw sie hra aw,” tah ta.

2 SAMUELA 19:7

Chavâta thyu la, a kei luah la, châ chakaotuhpazy châta thlalôhna bie kei reih teh. Nâ luah vei khiahta la, Abeipa liata ei rei ngâh, chyhsa pakha hmah tazâ na hnohta y khao aw veih ei. Cha cha na thyudyu tawhta tahmâ taihta na chô liata hmo pha leipa a vaw tlôpa zydua hlâta na châta a pha lei via aw,” tah ta.

2 SAMUELA 2:18

Cha liata Zeru sawchapawpa pathôh, Zôabâ, Abisai nata Asahe zy y ei ta. Asahe cha sakhih tlu ta phei chatliepa a châ.

2 SAMUELA 21:17

Châhrasala Zeru sawchapawpa Abisai ta pachha ta, Philistinâ chyhsa cha a dyuh ta, thie ha ta. Dâvi chyhsazy ta, “Izarei meiôh na pachhai lei nawpa ta, adyuhna lâ eima hnohta pua khao cheita aw va chi,” tahpa ta a hnohta bie a taih ei ta.

2 SAMUELA 23:18

Zeru sawchapawpa Abisai, Zôabâ unawhpa cha sythôh hry liata hyutuh chaipa châ ta, chyhsa 300 asei pahieh thlu ta a thie khai hapa a châ. Chavâta pasaipha pathôhzy moh pha tona liata â hlao hra.

2 SAMUELA 3:30

Kibiô liata adyuhna liata ama unawhpa Asahe a thiepa vâta, Zôabâ nata a unawhpa Abisai ta Abane cha ama thiepa a châ.

2 SAMUELA 3:39

Abei châta sathawthupa châ hra aw sah la, tanoh la ei vaw nainyu khai ha na. He chyhsazy, he Zeru sawchapawzy he ei chô liata ama chahraochatôh tu haw. Hmo pha leipa a taopa cha, a hmotaozie lymâ hawhta Abeipa ta viari a thô aw” tah ta.

1 ABEIZY 1:33

Abei ta ama hnohta, “Nama zibeipa chakaotuhpazy a chhi u la, ei sawchapawpa Sawlawmaw cha keima alâ chô liata pakiasa u la, Kihaw lâ a chhi teh u.

1 THÂTIHZYRONA 11:20

Zôabâ unawhpa Abisai cha pasaipha sythôh hry liata hyutuh chaipa châ ta, chyhsa 300 asei pahieh thlu ta, a thie khai hapa a châ. Chavâta pasaipha pathôhzy moh pha tona liata â hlao hra.

1 THÂTIHZYRONA 18:12

Zeru sawchapawpa Abisai ta Alôh Saikao liata Edômâ pheisaih 18,000 thie ta.

ZEREMIAH 8:14

Khazia eimâ tyuh ngâ thlâh ha tly i? A awpakhypa ta thokhy khihpizy liata a ngia sih la, Cha liata kei leidia ei suh u. Abeipa chô liata eima molei hapa vâta, Abeipa eima Khazohpa ta leidia awpa ta miah soh ha ta, Châmaih ti do awpa miah a pie ha hih.

MÂKA 3:24

Khinarâh chhao anosasyh ta â dyuh khiahta cha kheihta â duah thei aw?

1 SAMUELA 26:6

Dâvi ta Hiti chyhsa Ahimele nata Zôabâ unawhpa Zeru sawchapawpa Abisai hnohta, “Ahy ma Sawla riehmo lâ nâ zu lâh aw?” tah ta. Abisai ta, “Kei ta ei cha zu lâh aw,” tah ta.