2 SAMUELA 20:22 - Mara Bible RV (BSI)

²² Chanô cha a sona hmâpa ta zawpi zydua pahnie awpa ta sie ta. Bikhari sawchapawpa Sebâ luh cha tai ei ta, Zôabâ lâ vaw thy ei ta. Zôabâ ta chiahmie tô ta, pheisaihzy cha khihpi tawhta pai ei ta, ama poh o chyu lâta a di ha ei ta. Zôabâ chhao cha Zerusale liata abei lâ a lie ha heih ta.

2 SAMUELA 20:22 ပူးပေါင်းရင်းမြစ်များ

2 SAMUELA 18:16

Zôabâ ta chiahmie tô ta, chatanachata pheisaihzy cha Zôabâ ta a chalihsa hapa vâ ei ta, Izarei ama chadaina tawhta amâ lie haw.

2 SAMUELA 18:17

Absalaw ri cha la ei ta, râhmâhpa liata khaohtlô a thu ngaitapa liata thy ei ta, a chô liata alô hluhpi pacho thlu ei ta. Izarei zydua cha ama poh o chyu lâta a râ ha ei ta.

2 SAMUELA 2:28

Chatawhcha Zôabâ ta chiahmie tô ta, pheisaih zydua a chalih ei ta, Izarei cha a chadai khao leipa ei ta, a dyuh khao veih ei.

2 SAMUELA 20:1

Cha liata Benzami chi Bikhari sawchapawpa a moh Sebâ ama tahpa chyhsa leilôpa pakha y ta, ano chata chiahmie tô ta, “Dâvi liata tovyuh hnei leipa pi ta, Zese sawchapawpa liata ryuto hnei ma pi; Hy Izarei, nama poh o chyu lâta a di teh u!” tah ta.

2 SAMUELA 20:16

Chanô sopa pakha ta khihpi tawhta vaw awh ta, “Nathlie teh u! Nathlie teh u! Ngiachhiepa ta Zôabâ chho teh u, a vaw hnia sala, a hnohta bie ei vaw reih aw,” tah ta.

BIECHHOTUHPA 7:19

Khihpi liata ryureituhpa pahrawh hlâta, Chyhsa sopa cha sona vâta a tha a tlô via.

BIECHHOTUHPA 8:11

Moleina hmo a taopazy cha thlai ta hriepa ama châ leipa vâta, chyhsa sawzy palôh cha moleina kyh liata a riah a pha tlamaw tyh.