2 SAMUELA 20:15 - Mara Bible RV (BSI)

¹⁵ Zôabâ nata a pheisaihzy ta Sebâ cha Abela Bemâkâ khihpi liata dôh ei ta, a khih cha alei pacho thlu ei ta, alei cha khôtho thokhy liata kaw pacho ei ta. Zôabâ hnohta chyhsa a ypa zydua ta, thokhy cha papao awpa ta thata a chô ei ta.

2 SAMUELA 20:15 ပူးပေါင်းရင်းမြစ်များ

2 SAMUELA 20:14

Sebâ cha Abela Bemâkâ taihta Izarei chi zydua chahryh khai ta, Beri mo zydua chhao tly khai ta. Beri mo chhao cha a hmaohpakhy ei ta, Sebâ cha pazi ha hra ei ta.

1 ABEIZY 15:20

Benhadâ ta Bei Âsâ pahruana cha a pha tah ta, Izarei khihpizy a dyuh awpa ta pheisaih hyutuhpazy tuah ta, chatanachata Izô, Dânâ, Abebemâkâ nata Chinerô khihpizy nata Nâthalai râh zydua pahnie ta.

2 ABEIZY 15:29

Izarei bei Pekâ â bei nota, Asuria bei Tikalâpilesa ta Izaw, Abelamâkâh, Zanô, Kedesâ nata Hâzaw khihpizy, Kilia nata Kâlili râhzy nata Nâthalai râh zydua la ta. Chyhsazy sei ta Asuria râh lâ a chhi ta.

2 ABEIZY 19:32

“Chavâta Abeipa ta Asuria bei kyh liata hetana heta a tah: ‘He khihpi he vaw tlô leipa aw ta, he liata châtai tai kha chhao ka aw vei. Vyhphao chhaota khihpi hmiakô liata a vy leipa aw ta, khihpi dôhna alei chhao thokhy liata pathlu thlu aw vei.

BIECHHOTUHPA 9:14

Chyhsa chyhta pahrâna khihpi chypa miakha y ta. Bei rônahpa ta vaw siehnaopa ta, a khihpi cha dôh ta. A thokhyzy pacho awpa ta thata a hriapasa.

ISAI 37:33

“Chavâta Abeipa ta Asuria bei kyh liata hetana heta a tah: ‘He khihpi he vaw tlô leipa aw ta, he liata châtai tai kha chhao ka aw vei. Vyhphao chhaota khihpi hmiakô liata a vy leipa aw ta, khihpi dôhna alei chhao thokhy liata pathlu thlu aw vei.

ZEREMIAH 32:24

Moh tua, khihpi la awpa ta dôhna alei pathlupazy â kaw sâh kaw bâ hih. Zaozi nata chakâhna nata potlana zy vâta khihpi he a dyuhtuhpa Kaldia mo ku liata piepa a châ ha hih. Na reipa kha vaw tlô ha ta, moh tua, na hmô hih.

ZEREMIAH 33:4

Abeipa, Izarei Khazohpa ta, khihpi dôhna alei ama pathlupazy tawhta nata zaozi tawhta avaina tao nawpa ta, khihpi ozy nata Zudâh beizy ozy phiepa ta a yna kyh liata hetana heta a tah:

ZEREMIAH 6:6

Pheisaihzy Abeipa ta hetana heta a tah: “Zerusale thozy thlu u la, Khihpi dôh awpa ta, A thokhyzy alei pacho thlu teh u. Tlybaina ta a biepa khihpi châ ta, Hrie tlâhpa khihpi a châ.

EZEKIA 4:2

khihpi cha dôh hapa a châna palâsa la, khihpi dôhna diahsua nothlahpazy tao la, khihpi la thei nawpa ta khihpi thokhy leizaih pathlu thlupa nothlahpa zy tao mah y. Khihpi chadôpa ta pheisaihzy riehmo ama paryhpa palâsa la, thokhy chhuh pathlah nawpa nothlahpazy ta khihpi thokhy cha chadôsa mah y.

LUKA 19:43

Na chariahpazy ta diahsua cha dôhkhâhpa ta, cha chadô aw ei ta, su to tawhta ama châ dyuh nawpa nohzy a vaw tlô hai.