2 SAMUELA 2:5 - Mara Bible RV (BSI)

⁵ Dâvi ta Zabekilia mo lâ chyhsa tuah ta, ama hnohta, “Nama zibeipa Sawla chô liata nama ngâchhihna palâsapa ta, a ri nama pabupa vâta Abeipa ta byhnâ cha pie mawh ei sy.

2 SAMUELA 2:5 ပူးပေါင်းရင်းမြစ်များ

ÂTHAONA 14:19

Melkizade ta Abarâ cha byhnâ awpa ta, “Lei nata vâ hneituhpa Khazohpa Chônôchaipa ta, Abarâ cha byhnâ pie mawh sy!

ÂTHAONA 14:22

Abarâ ta Sawdawmâ bei hnohta, “Lei nata vâ hneituhpa Khazohpa Chônôchaipa, Abeipa lâta bie a taih ha na ta,

2 SAMUELA 15:20

Zâhnia tliata liata vaw tlô chi ta, tanoh he eima hnohta chakhâ kiah ta, chhutla chô awpa ta ei cha tao aw ma? Vaw pua taraw na ta, khataih lâ ma ei sie aw tahpa chhao pahno va na hih? Kua ha mah y. Na unawhzy chhao na hnohta a chhi ha mah y. Ngiachhiena nata ngâchhihna na hnohta y mawh sy,” tah ta.

2 SAMUELA 21:12

Dâvi cha sie ta, Sawla ruzy nata a sawchapawpa Zawnathâ ruzy cha Zabekilia lâ za la ta. Philistinâ mo ta Kibô liata Sawla ama thie noh ta, Sawla nata Zawnathâ cha Besâ bypi liata bangieh ei ta, cha tawhtapa cha Zabekilia mo ta arulâta ama ri ama vaw lapa kha a châ.

HLAZY 115:15

Lei nata vâ taotuhpa Abeipa ta, Byhnâ cha pie mawh sy!

ZAWSUA 2:14

Mohparutuhpazy ta a hnohta, “Eima hmotaopa he nama reih leipa khiahta cha, eima hrona ta nama hrona cha pachha aw pi ta, eima thipa chhao ta eima thi aw. Abeipa ta râh he miah a pie tita, cha ngiachhie aw pi ta, na chô liata ngâchhih ngaitapa ta eima tao aw,” tah ei ta.

RYUREITUHPAZY 21:8

“Izarei chizy hry liata kheihawhpa chi ma Mizpâ liata Abeipa lâta pakhypi a kaw hlao hra vei?” tah ei ta. Zabekilia tawhta pakhypi riehmo lâ a khypa pakha hmahta hmô leipa ei ta.

RUTHI 1:8

Naomi ta a myuhnô panozy hnohta, “Sie u la, nama nô o chyu lâta kua ha muh vy, athipazy chô liata nata keima chô liata nama taopa hawhna heta, Abeipa ta nama chô liata nôpha ngaitapa ta tao hra mawh sy.

RUTHI 2:20

Naomi ta a myuhnô hnohta, “Ahrohpa nata athipa chô liata a phana khâ a palâsa tyhpa Abeipa ta ano cha byhnâ pie mawh sy,” tah ta. Naomi ta a hnohta, “Kha chyhsa kha eima heinawh hniapa, miah a chatlaituh awpazy hry liata pakha a châ,” tah ta.

RUTHI 3:10

Bôaza ta, “Ei sawchanô y, Abeipa ta byhnâ cha pie mawh sy! Satlia sipasapa tlyma, hneirôhpa tlyma, na pazi leina liana heta, hmia lâta hmo pha na taopa hlâna chhao khata, tahmâ ta na hmo pha taopa he a rônah via syulyu.

1 SAMUELA 11:1

Amawna chyhsa Nahâsâ cha vaw pua ta, Zabekilia khih dôh ta, Zabe mo zydua ta Nahâsâ hnohta, “Eima hnohta bie hraih la, eima cha chakao aw,” tah ei ta.

1 SAMUELA 11:9

Chatawhcha Zabekilia tawhta lyuhchâpa ama vaw tuapazy hnohna chata, “‘Mylâ noh sa locho daihti liata pachhapa nama châ aw,’ tahpa ta Zabekilia mo cha kei chho muh vy,” tah ei ta. Lyuhchâpazy cha sie ei ta, cha bie cha Zabe mo chho ei ta, a ly ngaita ei ta.

1 SAMUELA 15:13

Samuela cha Sawla kô kei tlô ta, Sawla ta a hnohta, “Abeipa ta byhnâ cha pie mawh sy, Abeipa biepiepa cha ei tao haw,” tah ta.

1 SAMUELA 23:21

Sawla ta, “Abeipa ta byhnâ cha pie mawh ei sy. Nâmo la eina ngiachhie ngaita ei chi na.

1 SAMUELA 24:19

Chyhsa ta a chariahpa hmô sala, â bohpa ta a pasiesa aw ma? Tanoh ta ei chô liata na hmotaopa vâna heta, Abeipa ta hmo phapa ta cha thô maw sy.