2 SAMUELA 2:4 - Mara Bible RV (BSI)

⁴ Zudâh chyhsazy a vy ei ta, cha liata Dâvi cha Zudâh pathlazy chô liata bei châ awpa ta sathaw ama thu. “Sawla ri cha Zebekilia mo ta ama pabu,” tahpa ta Dâvi cha chho ei ta,

2 SAMUELA 2:4 ပူးပေါင်းရင်းမြစ်များ

2 SAMUELA 19:11

Bei Dâvi ta theihthaipa Zadô nata Abiathâ lâ chyhsa tuah ta, “Zudâh machâzy hnohta, abei ta hetana heta a tah: ‘Abei he a o lâ a chhi pakhua heih nawpa kyh liata, khazia a reih hawh chaipa châ namâ chhuah? Izarei zydua ta abei he a o lâ a chhi pakhua awpa kyh ama reipa abei kô a vaw tlô haw.

2 SAMUELA 19:42

Zudâh mo zydua ta Izarei mo cha a chhy ei ta, “Abei he eima heinawh hniapa a châpa vâta a châ. Khazia ma he kyh liata nama hie a hâh tly? Abei pati eima nie ma? Hmo miah a piepa a y ma?” tah ei ta.

2 SAMUELA 2:11

Dâvi ta Hebraw liata Zudâh pathlazy chô liata ryu a reina cha kô sari nata thla charu vaw châ ha ta.

2 SAMUELA 2:7

Chavâta tahmâ nama kuzy thatlôpa ta y sala, riahphapa ta y teh u. Nama zibeipa Sawla cha thi ha ta, Zudâh pathlazy ta ama bei châ awpa ta kei he sathaw eina thu ei hih,” tah ta.

2 SAMUELA 21:11

Sawla nôtho Aihza sawchanô Rizpâ hmotaopa cha Dâvi chho ei ta.

2 SAMUELA 21:12

Dâvi cha sie ta, Sawla ruzy nata a sawchapawpa Zawnathâ ruzy cha Zabekilia lâ za la ta. Philistinâ mo ta Kibô liata Sawla ama thie noh ta, Sawla nata Zawnathâ cha Besâ bypi liata bangieh ei ta, cha tawhtapa cha Zabekilia mo ta arulâta ama ri ama vaw lapa kha a châ.

2 SAMUELA 5:17

Dâvi cha Izarei bei châta sathawthupa a châ tahpa Philistinâ mo ta ama thei nahta, Philistinâ mo zydua cha Dâvi tlua awpa ta khy ei ta. Cha thâtih cha Dâvi ta a thei nahta, thokhy lâ zu ta.

2 SAMUELA 5:3

Chatanachata Izarei machâ zydua cha Hebraw liata abei lâ a vy ei ta. Bei Dâvi ta Hebraw liana chata Abeipa hmiakô liata ama hnohta bie hraih ta. Dâvi cha Izarei chô liata bei châ awpa ta sathawthu ei ta.

2 SAMUELA 5:5

Hebraw liata Zudâh chô liata kô sari nata thla charu a bei ta, Zerusale liata Izarei nata Zudâh zydua chô liata kô sythôh nata kô thôh â bei.

2 ABEIZY 11:12

Zehôdâ ta abei sawchapawpa cha vaw puakhei ta, beilakho pakho ta, biehraina ryuchâ pie ta. Chatawhcha bei ta phuahpa ta, sathaw thu ei ta, ama ku chabaih ei ta, “Abei cha hroh pareih mawh sy,” tah ei ta.

1 THÂTIHZYRONA 10:11

Zabekilia khihsaw zydua ta Philistinâ mo ta Sawla chô liata ama hmotaopa zydua ama thei nahta,

1 THÂTIHZYRONA 11:3

Chatanachata Izarei machâ zydua cha Hebraw liata abei lâ a vy ei ta. Dâvi ta Hebraw liana cha Abeipa hmiakô liata ama hnohta bie hraih ta. Abeipa ta Samuela hmâpa ta a reipa hawhta, Dâvi cha Izarei bei châta sathawthu ei ta.

1 THÂTIHZYRONA 12:23

Abeipa bie hawhta, Sawla khinarâh cha Dâvi hnohta pie awpa ta, hezy he Hebraw liata Dâvi lâ a vypa, adyuhna chhaichhi atobipa pheisaih pyzy ama châ:

1 SAMUELA 16:13

Samuela ta saki ôh sathaw cha la ta, ano cha a unawhzy hmiakô liata sathawthu ta. Cha noh tawhna chata, Abeipa Thlahpa cha Dâvi chô liata thatlô ngaitapa ta vaw tlô ta. Samuela cha thyu ta Râmâ lâ sie ha ta.