2 SAMUELA 2:26 - Mara Bible RV (BSI)

²⁶ Abane ta Zôabâ cha awsao ta, “Zaozi cha chhâzaw ta ma a thie ngâ thlâh ha aw? A chhâna cha pachârôhna deita a châ aw tahpa pahno va chi ma? Khachâ ma zawpizy kha ama unawhzy amâ chadaina tawhta pakuasa awpa ta chho leipa ta na y aw?” tah ta.

2 SAMUELA 2:26 ပူးပေါင်းရင်းမြစ်များ

2 SAMUELA 11:25

Dâvi ta zikyurâtuhpa hnohta, “Zôabâ hnohta hetana heta kei reih mah y, ‘Cha hmo chata a ly leipa ta cha paysa khah sy. Zaozi ta pakha thie ta, mohropa chhao a thie. Khihpi nâ dyuhna liata na tha a patlô via la, khihpi cha pahnie a chhuah mah y,’ tah la, ano cha pasyu mah y,” tah ta.

2 SAMUELA 2:14

Abane ta Zôabâ hnohta. “Satliazy thyu ei sala, eima hmiakô liata a taopasua tua ei se,” tah ta. Zôabâ ta, “Thyu ei se,” tah ta.

2 SAMUELA 2:16

Amâ supa chyu ta ama luh ta a patu ei ta, amâ supa cha zaozi ta ama kâ liata dy ei ta, pao khoh ha ei ta. Chavâta cha su cha Hekâhazuri tahpa a châ. Kibiô liata a y.

2 SAMUELA 2:25

Benzami pathlazy cha Abane hnohta a pahmaoh ei ta, hlao kha ta y ei ta, tlâh laki liata yna paryh ei ta.

2 SAMUELA 2:27

Zôabâ ta, “Khazohpa hrona reipa ta ei reih, bie a reih leipa châ la cha, pheisaihzy heta ama unawhzy cha mylâ mydi taihta chadai amâ chhuahpa a châ,” tah ta.

ZAWBÂ 18:2

“Khachâ ma biethâh na tlua chy aw? Pachâ ha tua la, cha khai tawhta eima reih aw.

ZAWBÂ 19:2

“Khachâ ma na taochhie aw ei chi ta, Biezy ta eina hriechheih aw ei chi tly?

HLAZY 4:2

Hy chyhsazy saih u, Khati taih ma ei zachhihna he nozana ta tao aw ei chi ta, Khachâ ma hraoleipa biezy tlaichhaipa ta, Haipa biezy nama tlua aw tly? Selah

BIESOZY 17:14

Ahryuna athaona cha ti pasapa hawhta châ ta, Chavâta ahryuna a pua hlâta a hneisai ha mah y.

ISAI 1:20

Reingiah leipa ta einâ dyuh khiah ei chi ta deikua cha, Zaozi ta a cha nie aw ei, Abeipa pakah ta a reih haw,” tah ta.

ZEREMIAH 12:12

Râhchawhpa awphy tlâh lakizy liata, Paraotuhpa vaw tlô ha ta, Râh chhâna hiakha lâ tawhta hiakha lâ taihta, Abeipa zaozi ta a palâ khai haw; Thlalôhpa ta ahy hmah y thei khao veih ei.

ZEREMIAH 2:30

“Nama sawzy tu na ta phahnai leipa ta, Phakhei hlei veih ei. Chakeibarôhneipa sa niepa hawhta, Nâmo zaozi ta nama hrohsopazy a palâ khai haw.

ZEREMIAH 4:21

Khati taih ma ngiana poh chaluahpa hmô aw na ta, Chiahmie pyu ei thei aw tly?

ZEREMIAH 46:10

“Cha noh cha Pheisaihzy Abeipa Zehôvâh noh châ ta, Phuh a lana noh a châ; A khakhaipazy chô liata phuh â lana noh a châ. Pheisaihzy Abeipa Zehôvâh ta Maw lâ râh Ufrâti chavah kiah liata atheihna hlâ ha ta, Chavâta zaozi ta Izi mo cha, Lôhrâtlôna taihta palâ aw ta, Dâhphi paina taihta ama thisaih a doh aw.

ZEREMIAH 46:14

“Izi râh liata phuah u la, Mikadô liata tlâh awh teh u; Mephi nata Tâpahe liata phuah u la, ‘Nama chheipâh ta a ypazy cha, Zaozi ta palâ khai ha ei ta, Chavâta â ipa ta a duah u la, A pachyh muh vy,’ tah teh u.

HÔSIA 11:6

Zaozi ta ama khihpizy a dyuh aw ta, Ama thokhy chhikao tlâhzy a chhawh pachhô khai aw; Ryh amâ raopa pha leipa vâta A pahleipadia khai aw ei.

HMOTAOPAZY 7:26

A mylâ ta chyhsa pano amâ tu hai nota kei tlô ta, âmo cha paryh a chhuah ta, ‘Pâpuh saih u, unawh nama châ khawh, khazia namâ tu?’ tah ta.