2 SAMUELA 2:18 - Mara Bible RV (BSI)

¹⁸ Cha liata Zeru sawchapawpa pathôh, Zôabâ, Abisai nata Asahe zy y ei ta. Asahe cha sakhih tlu ta phei chatliepa a châ.

2 SAMUELA 2:18 ပူးပေါင်းရင်းမြစ်များ

2 SAMUELA 1:23

“Sawla nata Zawnathâ kha, Kho a chhih ei ta amâ ngia ngaita dia! Hro chhôh ta a kao ei ta, Thina liata chhao a chhaih veih ei; Pahmôhpi hlâta chatlie via ei ta, Chakeibarôhneipa hlâta ama tha a tlô via.

2 SAMUELA 14:1

Zeru sawchapawpa Zôabâ ta abei palôh cha Absalaw chô liata a y tahpa pahno ta.

2 SAMUELA 2:19

Asahe ta Abane cha a chadai ta, Abane â chadaina tawhta chachâh lâ tlyma, chavei lâ tlyma tlei leipa ta, a chadai lymâ ta.

2 SAMUELA 22:34

Ei pheizy sakhih phei hawhta tao ta, Su sâhpazy liata â bohpa ta eina paysa.

2 SAMUELA 23:24

Zôabâ unawhpa Asahe cha sythôh hry liata pakha a châ hra. Ahropazy cha Bethlehe khihpa Dôdô sawchapawpa Ehânâ,

1 ABEIZY 2:5

“Zeru sawchapawpa Zôabâ ta ei chô liata a hmotaopa kha na pahno: Izarei pheisaihzy hyutuhpa pano, Nerâ sawchapawpa Abane nata Zethe sawchapawpa Amâsâ zy chô liata a hmotaopa kha na pahno. Âmo kha thie ta, adyuhna liata thisaih palopa cha adyhna daihti liata phuh la ta, thaileina a hnei leipa thisaih cha a chai liata chaisaih nata a phei liata pheikyzy liata a kia hapa kha a châ.

1 THÂTIHZYRONA 11:26

Dâvi pasaiphazy cha Zôabâ unawhpa Asahe, Bethlehe khihpa Dôdô sawchapawpa Ehânâ,

1 THÂTIHZYRONA 12:8

Kâdâ chi liata pasaipha thatlôpa nata chariah a dyuh thaipazy ta râhchawhpa thokhy liata a ypa Dâvi lâ amâ kei bai hra. Âmo cha vyhphao nata asei a hmâh thaipa châ ei ta, chakeibarôhneipa hmia phaoh ei ta, tlâh sakhihzy hawhta a chatliepa ama châ.

1 THÂTIHZYRONA 12:9

Ama hyutuhpa cha Eze châ ta, panona Ôbadia, pathôhna Eliabâ,

1 THÂTIHZYRONA 27:7

Thla palihna châta pheisaih hyutuhpa papalihna cha, Zôabâ unawhpa Asahe châ ta, a sawchapawpa Zebadiah cha ano a pazipa châ ta, a py liata pheisaih 24,000 ama y.

HLAZY 18:33

Ei pheizy sakhih phei hawhta tao ta, Su sâhpazy liata â bohpa ta eina paysa.

BIECHHOTUHPA 9:11

Noh ry liata ei hmô heihpa cha he he a châ: Arâpasuana liata a râ theipa ta pahniena to hlei leipa ta, Adyuhna liata chhao thatlôpa ta pahniena to hlei vei; Asopa ta nie a phahla ta, Novâhpa hneirôh hlei leipa ta, Athaipa chhao khokheina to hlei vei. Chyhsa to ta daihti nata ryhpaohna ama hnei chyu.

HLAZY HLA 2:17

Noh vaw nai ta, Nohawh tlâh a khô hlâlei cha, Ei lôhdupaw y, kei lâ a vaw heih la, Sakhih hawhta châ la, Betheri tlâhpizy liata zuneih tôh dawpa lyu mah y.

HLAZY HLA 8:14

Hy ei lôhdupaw, a para teh, Sakhih hawhta châ la; Ropahâhpa tlâhpizy liata, Zuneih tôh lochopa lyu mah y.

AMÔSÂ 2:14

A râ thei kawpa chhao ta chatlie thei khao leipa aw ta, Thatlôpa thatlôna y khao aw vei; Pasaipha chhao ta A hrona pabohsa thei aw vei.

HABAKU 3:19

Zehôvâh Khazohpa cha ei thatlôna châ ta, Ei pheizy he sakhih phei hawhta tao ta, Ei su sâhpazy liata eina pasiesa.

1 SAMUELA 26:6

Dâvi ta Hiti chyhsa Ahimele nata Zôabâ unawhpa Zeru sawchapawpa Abisai hnohta, “Ahy ma Sawla riehmo lâ nâ zu lâh aw?” tah ta. Abisai ta, “Kei ta ei cha zu lâh aw,” tah ta.