2 SAMUELA 19:5 - Mara Bible RV (BSI)

⁵ Zôabâ cha abei o lâ a vy ta, abei lâ a ngia ta, a hnohta, “Tanoh cha, nâma hrona nata na sawchapawzy nata na sawchanôzy hrona nata na lapinôzy nata na nôthozy hrona a pabohsatuhpa châ chakaotuhpazy hmia cha, nozana ta na khu ha ei hih.

2 SAMUELA 19:5 ပူးပေါင်းရင်းမြစ်များ

2 SAMUELA 15:30

Dâvi cha Ôli Tlâh lâ khyna lâpi lâta khy ta, chana chôta sie ta, a luh a khu ta, phei ruapa ta sie ta. A hnohta a ypa chyhsa zydua chhao ama luh a khu chyupa ta khy ei ta, cha lymâna chôta sie ei ta.

2 SAMUELA 18:17

Absalaw ri cha la ei ta, râhmâhpa liata khaohtlô a thu ngaitapa liata thy ei ta, a chô liata alô hluhpi pacho thlu ei ta. Izarei zydua cha ama poh o chyu lâta a râ ha ei ta.

2 SAMUELA 19:13

Amâsâ hnohta chhao, abei ta, ‘Ei rupa nata ei sapa châ va chi ma? Zôabâ vyuhpa ta ei hmiakô liata pheisaih hyutuhpa ta ei cha tao leipa khiahta la, Khazohpa ta ei chô liata tao sala, cha hlâta pasa viapa chhao ta tao mawh sy,’ a tah na nama kei tah aw,” tah ta.

2 SAMUELA 19:4

Abei cha a hmia a chahu ta, “Hy ei sawchapawpa Absalaw, Hy Absalaw y, ei sawchapawpa, ei sawchapawpa y!” tahpa ta aoh tlili ta cha ta.

2 SAMUELA 19:6

Châ haotuhpazy kyhpachâ chi ta, kyh châ pachâtuhpazy hmâchhâh tlao nâ hao ha ei. Pheisaih hyutuhpazy nata châ chakaotuhpazy pi he na châta khâpa hmah vaw châ ma pi tahpa tanoh ei pahno haw. Tanoh he Absalaw hroh sala, keimo zydua he thi khai ha ei sih la, cha cha nâ lynazie a châ tahpa tanoh ei pahno haw.

2 SAMUELA 3:39

Abei châta sathawthupa châ hra aw sah la, tanoh la ei vaw nainyu khai ha na. He chyhsazy, he Zeru sawchapawzy he ei chô liata ama chahraochatôh tu haw. Hmo pha leipa a taopa cha, a hmotaozie lymâ hawhta Abeipa ta viari a thô aw” tah ta.

NEHEMIAH 9:27

Chavâta âmo rie a patheituhpa ama chariahzy ku liata na pie ha ei. Ama nôpona daihti liata cha pado ei ta, vârâh tawhta vaw nathlie chi ta, na zawngiahna rônah ngaitapa vâta pachhatuhpazy pie chi ta, âmo chata ama chariahzy ku tawhta ama pachha haw.

HLAZY 3:8

Pachhana cha Abeipa eih châ ta, Na byhnâ na chyhsazy chô liata y mawh sy! Selah