2 SAMUELA 19:43 - Mara Bible RV (BSI)

⁴³ Izarei mo ta Zudâh mo cha a chhy ei ta, ama hnohta, “Abei liana heta tovyuh vyuh hrawh hnei pi ta, Dâvi liana heta nâmo hlâta tovyuh eima hnei via mâh tâh. Khazia ma khâpasaw ta miah nama rei vei? Eima bei a vaw chhi heih nawpa kyh he a pahrua tuatuhpa châ ma pi mâ?” tah ei ta. Châhrasala Zudâh mo bie cha Izarei mo bie hlâta pachyu via ha ta.

2 SAMUELA 19:43 ပူးပေါင်းရင်းမြစ်များ

2 SAMUELA 19:14

Chatanachata Zudâh chyhsa zydua palôh cha chyhsa pakha palôh hawhta pahei ha ta, abei cha bieta ei ta, “Vaw kua ha mah y, nâ nata châ chakaotuhpazy kha vaw kua ha muh vy,” tah ei ta.

2 SAMUELA 19:9

Chatawhcha Izarei chi zydua liata zawpi zydua cha a eichhia ei ta, “Abei ta eima chariahpazy ku tawhta miah pachha ta, Philistinâ mo ku tawhta miah a pachha haw. Tahmâ Absalaw vâta, he râh tawhna heta a râ ha ta.

2 SAMUELA 20:1

Cha liata Benzami chi Bikhari sawchapawpa a moh Sebâ ama tahpa chyhsa leilôpa pakha y ta, ano chata chiahmie tô ta, “Dâvi liata tovyuh hnei leipa pi ta, Zese sawchapawpa liata ryuto hnei ma pi; Hy Izarei, nama poh o chyu lâta a di teh u!” tah ta.

2 SAMUELA 20:6

Dâvi ta Abisai hnohta, “Bikhari sawchapawpa Sebâ heta Absalaw hlâta eima chô liata chhiena a tlôkhei via aw. Na zibeipa chakaotuhpazy he a chhi la, a kei chadai teh. Chataleipatala thokhy hneipa khihpizy liata a ngia hmâ aw ta, eima mohmô tawhta â râ pathlah pathlei aw na,” tah ta.

2 SAMUELA 5:1

Izarei chi zydua cha Hebraw liata Dâvi lâ a vy ei ta, a hnohta, “Moh teh, na ru nata sa eima châ hih.

1 ABEIZY 12:16

Abei ta ama bie nathlie khoh vei tahpa Izarei saw zydua ta ama hmô nahta, zawpi ta, “Dâvi liata tovyuh hnei leipa pi ta, Zese sawchapawpa liata ryuto hnei ma pi! Hy Izarei, nama poh o chyu lâ a di teh u; Nâ Davi, na chhôhkha tlâ pachâ teh,” tahpa ta abei cha a chhy ei ta, Izarei sawzy cha ama poh o lâ chyu a di ha ei ta.

BIESOZY 13:10

Apatahsana cha ahryuna dei papua ta, Pachâna a latuhpazy deikua cha sona ama hmô tyh.

BIESOZY 15:1

Achhyna naipa ta pathiiana padia ta, Reih chahrâhpa deikua ta hiehâhna a pathyu tyh.

BIESOZY 17:14

Ahryuna athaona cha ti pasapa hawhta châ ta, Chavâta ahryuna a pua hlâta a hneisai ha mah y.

BIESOZY 18:19

Unawh pasasa hapa cha khihpi thatlôpa hlâta pahnie ru via ta, Cha hawpa ahryuna cha thokhy tlâh hawhta a châ.

RAWMA 12:21

Moleina a patiahsa leipa la, phana ta moleina cha tlao tiah mah y.

KALATIA 5:15

Nâmo nata nâmo a siepa ta, namâ nie khiahta deikua cha, a vaih teh u. Chataleipatala nâmo nata nâmo ta namâ pahleipadia pathlei aw.

KALATIA 5:20

nothlahpa achhyna, dyuthaina, ahaona, ahryuna, hiatliana, pathichhiena, ateina, apananona, achhaihna,

KALATIA 5:26

Keimo nata keimo a pahao leipa ta, keimo nata keimo a uahva hra leipa ta, a pasâhsapa ta y khah suh u.

PHILIPI 2:3

Hlaotlohna hmô ta, moh a lâ awpa khona vâta tlyma, apalaina vâta tlyma, khâpa hmah tao khuh vy. Tlao a panawh u la, nâmo hlâta mohropazy pha viapa ta rao teh u.

ZÂMIE 1:20

Chyhsapa hiehâhna ta Khazohpa siana palâsa vei.

RYUREITUHPAZY 8:1

Chatawhcha Epharai mo ta Kidia hnohta, “Khazia he hawhta eima chô liata na tao? Midia mo a dyuh awpa ta na sie nona kha khazia miah na hrua hra vei?” tah ei ta. Thata maochhie ei ta.

RYUREITUHPAZY 9:23

Khazohpa ta Abimele nata Sekhe khih nôpawzy likah liata thlahpa chhiepa vaw tuah ta. Sekhe khih nôpawzy ta Abimele chô liata piehpie ngaitapa ta hmo tao ei ta.