2 SAMUELA 19:4 - Mara Bible RV (BSI)

⁴ Abei cha a hmia a chahu ta, “Hy ei sawchapawpa Absalaw, Hy Absalaw y, ei sawchapawpa, ei sawchapawpa y!” tahpa ta aoh tlili ta cha ta.

2 SAMUELA 19:4 ပူးပေါင်းရင်းမြစ်များ

2 SAMUELA 14:1

Zeru sawchapawpa Zôabâ ta abei palôh cha Absalaw chô liata a y tahpa pahno ta.

2 SAMUELA 15:30

Dâvi cha Ôli Tlâh lâ khyna lâpi lâta khy ta, chana chôta sie ta, a luh a khu ta, phei ruapa ta sie ta. A hnohta a ypa chyhsa zydua chhao ama luh a khu chyupa ta khy ei ta, cha lymâna chôta sie ei ta.

2 SAMUELA 18:33

Abei cha a palôh pasa ngaita ta, thokhy chhikao chô lâta chhôhpadâhpa lâ khy ta, cha ta. A khy pâ ta, “Hy ei sawchapawpa Absalaw, ei sawchapawpa, ei sawchapawpa Absalaw! Nâma vyuhpa ta keima tlao ei thi thlâh ha awpa tlai! Hy Absalaw, ei sawchapawpa, ei sawchapawpa y!” tah ta.

2 SAMUELA 19:3

Pheisaihzy cha adyuhna liata ama nawhpa vâta ama nozapa ta arulâta amâ râpa hawhta, cha noh liata cha arulâta khihpi a ngia ei ta.

2 SAMUELA 19:5

Zôabâ cha abei o lâ a vy ta, abei lâ a ngia ta, a hnohta, “Tanoh cha, nâma hrona nata na sawchapawzy nata na sawchanôzy hrona nata na lapinôzy nata na nôthozy hrona a pabohsatuhpa châ chakaotuhpazy hmia cha, nozana ta na khu ha ei hih.