2 SAMUELA 19:36 - Mara Bible RV (BSI)

³⁶ Châ chakaotuhpa he abei Zawdâh chaka khei ta, lâcho rakha taih deita cha vaw pathlie awpa ei chhuah. Khazia abei ta phana ty cha cha hawhta eina thô cheingei aw tly?

2 SAMUELA 19:36 ပူးပေါင်းရင်းမြစ်များ

2 SAMUELA 19:35

Tanoh he kô sycharie châ ha na ta, hmo chhiepa nata hmo phapa chhao ei pachhaih thai khao ma? Châ chakaotuhpa heta ei niepa nata ei dopazy a pahâh nata pahâh lei zy ei pahno khao ma? Chapaw hlasathaipazy nata chanô hlasathaipazy ao chhao ei thei thei khao ma? Châ chakaotuhpa he khazia ma ei zibeipa abei châta phaori a baichhatuhpa ei châ aw?

2 SAMUELA 19:37

Ei khih bôpi, ei nô nata ei paw thlâ kiapâh liata ei thi thei nawpa ta, ngiachhiepa ta châ chakaotuhpa he na pakuasa ha mah y. Anodeikuacha, moh tua, châ chakaotuhpa Kihâ hih, ano he ei zibeipa abei hnohta vaw sie sala, pha na tahpa hawhta ano châta tao hri mah y,” tah ta.

HLAZY 90:10

Eima hro chhôh kôzy cha kô sysari châ ta, Thatlôna vâta kô sycharie chhao a châ thei; Châhrasala hro pasina cha hriapasana nata pachârôhna dei châ ta, Thlai lei ei ta, keimo chhao eimâ zaw syulyu tyh.

BIECHHOTUHPA 12:1

Na thyutliana nohzy liata, châ Taotuhpa a thei thlâh ha mah y. Chhiena nohzy a vaw tlô hlâta nata “Alyna rai hnei va na,” na tahna kôzy â vaw hnia hlâta;

LUKA 6:38

Pie teh u, chatanachata piepa ta nama y aw. Hnaohpa ta nata chalyupa ta nata a khô ngâpa ta panuana phapa cha, nama kalachhôh liata sopa a châ aw. Panuana nama hmâpa hawhta ama cha panuapa hra aw,” tah ta.