2 SAMUELA 19:27 - Mara Bible RV (BSI)

²⁷ Châhrasala nâ chakaotuhpa ta châ chakaotuhpa he ei zibeipa abei lâta â do leipa ta eina leih hapa tlao a châ. Ei zibeipa abei cha Khazohpa vâlyuhchâpa hawhta châ chi ta, pha na tahpa hawhta tao mah y.

2 SAMUELA 19:27 ပူးပေါင်းရင်းမြစ်များ

2 SAMUELA 14:17

Abei, nâ ei zibeipa chi cha, Khazohpa vâlyuhchâpa hawhta, a chhiepa nata a phapa a pahrua thaipa na châpa vâta, na seichanô heta, ‘Ei zibeipa abei bie ta thlah eina palôh aw,’ tahpa ta ei pachâ. Abeipa na Khazohpa cha na hnohta y maw sy!” tah ta.

2 SAMUELA 14:20

Hmo yzie panano awpa ta, he hmo he châ chakaotuhpa Zôabâ ta a tao. Ei zibeipa cha alei chô liata hmo zydua pahno thei awpa ta, Khazohpa vâlyuhchapa sona hawhpa sona a hneipa na châ,” tah ta.

2 SAMUELA 16:3

Abei ta, “Na zibeipa sawchapawpa zaw, khataih liata ma a y?” tah ta. Zibâ ta abei hnohta, “‘Tanoh he Izarei phopi ta ei paw khinarâh eina pie pakhua aw ei,’ tah ta, Zerusale liata a vaw y haw,” tah ta.

2 SAMUELA 16:4

Abei ta Zibâ hnohta, “Nathlie teh, Mephibôse hneipa zydua nâma eih a châ,” tah ta. Zibâ ta, “Ei châ naoh na, Hy ei zibeipa abei y, na modypa ta y ei chhuah lymâ aw,” tah ta.

2 SAMUELA 19:17

A hnohta Benzami chyhsa sâh kha zu ei ta. Sawla chhôhkha chakaotuhpa Zibâ chhao a sawchapaw pahrawh hleipangawh nata a chakaotuhpa pakih chhaota abei hmia lâta Zawdâh lâ a chatliepa ta zu hra ta.

2 SAMUELA 9:13

Mephibôse cha bei tlâhkhai liata pati a dôhpa a châpa vâta, Zerusale liata pahrâ ta. Ano he a phei kârano ta a sypa a châ.

2 SAMUELA 9:3

Abei ta, “Khazohpa ngia­chhiena a chô liata ei palâsa thei nawpa ta, Sawla pathla hry liata a hrohpa pakha chhâ ama y tlyma?” tah ta. Zibâ ta abei hnohta, “Zawnathâ sawchapawpa pakha y ta, pheisypa a châ,” tah ta.

HLAZY 101:5

Ahy rai arulâta a vaih a leihtuhpa cha, Ei pahleipadia aw. Ahy rai a mo â sâhpa nata palôh laipa cha, Chhyh thai aw va na.

HLAZY 15:3

A paleih ta kyh rei a hmâh leipa, A vaih chô liata hmo chhiepa a tao leipa, Â doleipa ta a viasa a reipachhie leipa;

PUASAINA 20:16

Haipa ta na vaih na leih awpa châ vei.

ZEREMIAH 9:4

“Chyhsa to ama vaih tawhta a vaih ei sala, Ama unawhpa chhao ngâ khah ei sy. Unawh to dôvei a hmâhpa sai châ ei ta, Vaihzy chhao kyh rei a thaipa sai ama châ.

1 SAMUELA 29:9

Akisâ ta Dâvi cha a chhy ta, a hnohta, “Keima mohmô liata la Khazohpa vâlyuhchâpa hawh tlai ta seina hnei leipa na châ. Châhrasala Philistinâ pheisaih hyutuhpazy ta, ‘Adyuhna lâ eima hnohta a sie awpa châ vei,’ ama tah haw.