2 SAMUELA 19:24 - Mara Bible RV (BSI)

²⁴ Sawla samohpa Mephibôse cha abei dy awpa ta zu ta. Abei a pua noh tawhta thlalôhpa ta â vaw lie heih noh taihta, a pheizy mohôh leipa ta, a hmaohmi chhao ngyu leipa ta, a chysiazy chhao pasu hra vei.

2 SAMUELA 19:24 ပူးပေါင်းရင်းမြစ်များ

2 SAMUELA 12:20

Chatawhcha Dâvi cha alei tawhta thyu ta, a ngai a si ta, sathaw a thu ta, a chysia a patly ta, Abeipa o lâ vawh ta, Abeipa a chhy ta. Cha khai tawhta o lâ a di ta, nie awpa pado ta, a hmiakô liata pati taopa ei ta, nie ta.

2 SAMUELA 15:30

Dâvi cha Ôli Tlâh lâ khyna lâpi lâta khy ta, chana chôta sie ta, a luh a khu ta, phei ruapa ta sie ta. A hnohta a ypa chyhsa zydua chhao ama luh a khu chyupa ta khy ei ta, cha lymâna chôta sie ei ta.

2 SAMUELA 16:3

Abei ta, “Na zibeipa sawchapawpa zaw, khataih liata ma a y?” tah ta. Zibâ ta abei hnohta, “‘Tanoh he Izarei phopi ta ei paw khinarâh eina pie pakhua aw ei,’ tah ta, Zerusale liata a vaw y haw,” tah ta.

2 SAMUELA 9:11

Zibâ ta abei hnohta, “Ei zibeipa abei ta a chakaotuhpa bie a piepa hawhta, châ chakaotuhpa heta a tao aw,” tah ta. Chatanachata Mephibôse cha Dâvi tlâhkhai liata bei saw­chapaw pakha hawhta pati a dôh lymâ hra.

1 ABEIZY 2:8

Bahuri khihpa Benzami pathla Kerâ sawchapawpa Simei chhao na hnohta y ta, ano cha Mâhanai lâ ei sie noh ta chhiesana pha lei ngaitapa ta chhie nâ sapatuhpa a châ. Na dy awpa ta Zawdâh lâ â zu nota, ‘Zaozi ta cha thie aw va na,’ tahpa ta Abeipa moh ta bie a taih na ta.

PUASAINA 19:10

Abeipa ta Mawsi hnohta, “Zawpi lâ vawh la, âmo cha tanoh nata mylâ kei pathaisa mah y. Ama chysiazy pasu ei sala,

ISAI 15:2

Dibô cha achhyna o lâ pangaipa ta, Cha awpa ta a su sâhpazy lâ khy ta; Môabâ ta Nebô nata Medebâ khihpizy a chakhei ei. Luh zydua pôlô khai ha ta, Kâhhmi zydua a tlyh khai haw.

ZEREMIAH 41:5

Sekhe, Silô nata Samâri khihpizy tawhta chyhsa sychariezy cha, ama kâhhmizy ngyupa ta, ama chysiazy hriepa ta nata ama pôhpazy âpa ta vaw tlô ei ta. Abeipa Achhyna o liata hlâ awpa niepa hlânazy nata ropahâhpazy vaw phaoh ei ta.

MATHAI 6:16

“Kâhvileipa ta nama y tita, phapakheipazy hawhta thachhâna hmia phaoh khuh vy. Âmo cha kâhvileipa ta ama ypa chyhsazy ta ama pahno thei nawpa ta, thachhâna hmia ama palâsa tyh. Hmeiseihta ta ei cha chho ei, ama lymâ ama hmô haw.

RAWMA 12:15

Alypazy a lykhei u la, achapazy chakhei teh u.

HEBRAI 13:3

Patâhna o liata atâhpazy cha, ama hnohta patâhna o liata y hrapa hawhta a pachâ u la, a thei thlâh ha muh vy. Riethei pataosapazy chhao, sapa ta a ypa nama châ hrapa vâta, a thei thlâh ha teh u.