2 SAMUELA 19:21 - Mara Bible RV (BSI)

²¹ Zeru sawchapawpa Abisai ta a chhy ta, “Abeipa sathawthupa chô liata chhie a sapa vâna khata, Simei he thie awpa châ vei ma?” tah ta.

2 SAMUELA 19:21 ပူးပေါင်းရင်းမြစ်များ

2 SAMUELA 16:13

Chatanachata Dâvi nata a chyhsazy cha lâpi liata sie lymâ ei ta, Simei cha âmo dady ta tlâh hiakha lâta sie lymâ hra ta, chhiesa pâna chôta sie laih ta, Dâvi cha alô ta vawh ta, buchâh zy hie ta.

2 SAMUELA 16:5

Bei Dâvi cha Bahuri a tlô nahta, Sawla pho heihpa Kerâ sawchapawpa a moh Simei ama tahpa cha vaw pua ta, chhiesa lymâna chôta a vy ta.

2 SAMUELA 16:9

Zeru sawchapawpa Abisai ta abei hnohta, “Hao i thiruapa hao ta ei zibeipa abei he khâpa vâta chhie a sapa ma a châ tly? Vawh aw na ta, a luh ei kei tai tua aw” tah ta.

HLAZY 84:9

Hy Khazohpa, eima vyhphao he moh la, Na sathawthupa hmia he sai tua!

PUASAINA 22:28

“Khazohpa na rei pachhie awpa châ leipa ta, na phopi ryureituhpa chô liata bie pha leipa na reih awpa châ vei.

CHAPHÔHTUNA 4:20

Eima hnapasu liata husona Abeipa sathawthupa cha, Ama khaohtlôzy liata patu ha ei ta; “A nohdi ry liata phopizy hry liata eima pahrâ aw,” Eima tah tyhpa chyhsa cha ama patu haw.

1 SAMUELA 24:6

A chyhsazy hnohta, “Ei zibeipa, Abeipa sathawthupa chô liata, he hmo ei taopa he pha vei. Abeipa sathawthupa a châ tahpa ei pahno thlâh hapa tlai ta, a chô liata ei ku ei pathla thlâh hapa he Abeipa ta khoh vei,” tah ta.

1 SAMUELA 26:9

Châhrasala Dâvi ta Abisai hnohta, “Pahleipadia khah y, Abeipa sathawthupa chô liata ku pathla ta, thai a châpa ahy ma a y beih?” tah ta.