2 SAMUELA 19:14 - Mara Bible RV (BSI)

¹⁴ Chatanachata Zudâh chyhsa zydua palôh cha chyhsa pakha palôh hawhta pahei ha ta, abei cha bieta ei ta, “Vaw kua ha mah y, nâ nata châ chakaotuhpazy kha vaw kua ha muh vy,” tah ei ta.

2 SAMUELA 19:14 ပူးပေါင်းရင်းမြစ်များ

2 SAMUELA 17:25

Absalaw ta Amâsâ cha Zôabâ su liata pheisaih hyutuhpa ta soh ta. Amâsâ he Ismela chyhsa a moh Zithâ ama tahpa sawchapawpa a châ. Zithâ he Nahâsâ sawchanô Abikai vahpa châ ta, Nahâsâ cha Zôabâ nô Zeru narônô a châ.

2 SAMUELA 20:4

Abei ta Amâsâ hnohta, “Noh thôh chhôh ta Zudâh chyhsazy na awpa la, nâ chhao y hra mah y,” tah ta.

2 SAMUELA 22:44

“Ei phopi ta eina teina tawh ei ta na pachha chi ta, Râhzy chhituhpa châ awpa ta na pabohsa chi ta, Ei pahno beih leipa phopi ta eina chakao ei.

2 SAMUELA 3:9

Abeipa ta Dâvi hnohta bie â taihpa hawhta, Dâvi châta ei taopa vei khiahta la, Khazohpa ta Abane chô liata a kho ta tao sala, cha hlâta pasa viapa chhao ta tao mawh sy.

2 SAMUELA 5:1

Izarei chi zydua cha Hebraw liata Dâvi lâ a vy ei ta, a hnohta, “Moh teh, na ru nata sa eima châ hih.

HMOTAOPAZY 4:32

Ngiapâtuhpa manôh zydua cha palôh miakha nata pachâna su kha ta y ei ta. Ahy hmahta a sôh hneipazy cha ano eih sai ta rao leipa ta, hmo zydua a hly khai ei ta.

RYUREITUHPAZY 20:1

Izarei saw zydua, Dânâ tawhta Besebâ taihta, Kilia râh chhao a hlaopa ta pua ei ta, reih kha tlapa ta Mizpâ khih liata Abeipa hmiakô ta a hmaoh ei ta.