2 SAMUELA 19:12 - Mara Bible RV (BSI)

¹² Nâmo cha ei unawhzy châ ei chi ta, ei rupa nata ei sapa mah nama châ tâh, abei a chhi pakhua heih nawpa kyh liata, khazia a reih hawh chaipa nama châ aw?’ nama kei tah aw.

2 SAMUELA 19:12 ပူးပေါင်းရင်းမြစ်များ

ÂTHAONA 2:23

Âdâh ta, “He tlai he ei rupazy rupa châ ta, Ei sapazy sapa cha a châ hih; Chapaw tawhta lapa a châpa vâta, ‘Chanô’ tahpa ta bipa a châ aw,” tah ta.

ÂTHAONA 29:14

Lâbâ ta a hnohta, “Ei rupa nata ei sapa tlai na châ cha zaw!” tah ta. Chatanachata Zakaw cha thla kha chhôh Lâbâ hnohta y ta.

2 SAMUELA 19:41

Izarei chyhsa zydua cha abei lâ a vy ei ta, abei hnohta, “Khazia eima unawhpa Zudâh mo heta cha paru ei ta, abei nata a chhôhkhazy nata Dâvi chyhsa zydua Zawdâh haosâ ama cha kia khei tly?” tah ei ta.

2 SAMUELA 19:42

Zudâh mo zydua ta Izarei mo cha a chhy ei ta, “Abei he eima heinawh hniapa a châpa vâta a châ. Khazia ma he kyh liata nama hie a hâh tly? Abei pati eima nie ma? Hmo miah a piepa a y ma?” tah ei ta.

2 SAMUELA 5:1

Izarei chi zydua cha Hebraw liata Dâvi lâ a vy ei ta, a hnohta, “Moh teh, na ru nata sa eima châ hih.

2 SAMUELA 8:17

Ahitu sawchapawpa Zadô nata Abiathâ sawchapawpa Ahimele zy cha theihthaipazy châ ei ta, Seriah cha chârohtuhpa a châ.

RAWMA 11:14

Chatanachata ei chiheih Zu chyhsazy hia patliasapa ta, khazie chhâ ma pachha thei aw veih ei na ma ei tah.

EPHESI 5:30

Krista pôhpa pachiahpazy eima châ.

RYUREITUHPAZY 9:2

“Sekhe khih nôpaw zydua nah theina liata reih u la, ‘Nama châta kheihawhpa ma a pha via aw, Zerubâlâ sawchapaw sysaripa zydua ta nama chô liata ryu ama reih awpa ma, mopakha ta nama chô liata ryu a reih awpa maw?’ tah tua muh vy. Kei he nama rupa nata nama sapa ei châpa chhao a thei muh vy,” tah ta.