2 SAMUELA 19:11 - Mara Bible RV (BSI)

¹¹ Bei Dâvi ta theihthaipa Zadô nata Abiathâ lâ chyhsa tuah ta, “Zudâh machâzy hnohta, abei ta hetana heta a tah: ‘Abei he a o lâ a chhi pakhua heih nawpa kyh liata, khazia a reih hawh chaipa châ namâ chhuah? Izarei zydua ta abei he a o lâ a chhi pakhua awpa kyh ama reipa abei kô a vaw tlô haw.

2 SAMUELA 19:11 ပူးပေါင်းရင်းမြစ်များ

2 SAMUELA 15:29

Chatawhcha Zadô nata Abiathâ ta Khazohpa Byh cha Zerusale lâ kuakhei ei ta, âmo chhao Zerusale liata a ngua ha ei ta.

2 SAMUELA 18:14

Zôabâ ta, “He hawhpa chyhsa hnohta la daihti pahryuh ngâ aw va na,” tah ta, asei miathôh a chei ta, Absalaw cha ôkâ tho liata a hrohpa ta a y thlâh ha nota a châh-ao liata a chô ta.

2 SAMUELA 18:15

Zôabâ chhaichhi a chabatuhpa thyutlia pahrawhzy ta Absalaw cha vaw chadô ei ta, a chô ei ta, ama thie haw.

2 SAMUELA 19:10

Eima bei châta sathaw eima thupa Absalaw hra cha adyuhna liata thi ha ta, khazia abei aw pakhua awpa kyh kawh kha chhao nama rei vei?” tah ei ta.

2 SAMUELA 19:41

Izarei chyhsa zydua cha abei lâ a vy ei ta, abei hnohta, “Khazia eima unawhpa Zudâh mo heta cha paru ei ta, abei nata a chhôhkhazy nata Dâvi chyhsa zydua Zawdâh haosâ ama cha kia khei tly?” tah ei ta.

1 ABEIZY 2:35

Abei ta Zehôdâ sawchapawpa Benai cha, Zôabâ vyuhpa ta pheisaih hyutuhpa ta soh ta, abei ta Zadô cha Abiathâ vyuhpa ta theihthaipa ta a tao.

MATHAI 5:16

Cha hawhna chata, nama khaihna cha chyhsa mohmô ta khaih mawh sy. Chatanachata nama hmo pha taopa hmô aw ei ta, nama Paw avâ liata a ypa ama palyupalih thei aw.

2 KAWRINI 5:20

Chavâta Krista lyuhchâpazy châ pi ta, Khazohpa ta keimo miah hmâpa ta a châ haw ei. Khazohpa nata a ryhpa ta y awpa ta, Krista vyuhpa ta eima châ haw.

2 THYSALAWNIKA 3:9

Miah chyh awpa ta nâmo châ hnaw theina eima hnei leipa vâta châ leipa ta, eima hâ miah a la awpa eima cha khokheipa vâta rai eima hriapa a châ.