2 SAMUELA 19:10 - Mara Bible RV (BSI)

¹⁰ Eima bei châta sathaw eima thupa Absalaw hra cha adyuhna liata thi ha ta, khazia abei aw pakhua awpa kyh kawh kha chhao nama rei vei?” tah ei ta.

2 SAMUELA 19:10 ပူးပေါင်းရင်းမြစ်များ

2 SAMUELA 15:14

Chatawhcha Dâvi ta a hnohta Zerusale liata a ypa a chakaotuhpa zydua hnohta, “Thyu u la, a râ ei suh u, chataleipatala Absalaw tawhta ahy hmahta a boh aw ma pi. Pua para teh u, chataleipatala thlai ta miah vaw pha aw ta, eima chô liata chhiena patlôsa aw ta, zaozi ta khihpi he â vaw dyuh pathlei aw na,” tah ta.

2 SAMUELA 15:16

Abei cha pua ta, a o liata a ypa zydua ta pazi ei ta. A nôtho pahrawhzy deikua cha, o hâ awpa ta abei ta siesai ta.

2 SAMUELA 18:14

Zôabâ ta, “He hawhpa chyhsa hnohta la daihti pahryuh ngâ aw va na,” tah ta, asei miathôh a chei ta, Absalaw cha ôkâ tho liata a hrohpa ta a y thlâh ha nota a châh-ao liata a chô ta.

2 SAMUELA 19:11

Bei Dâvi ta theihthaipa Zadô nata Abiathâ lâ chyhsa tuah ta, “Zudâh machâzy hnohta, abei ta hetana heta a tah: ‘Abei he a o lâ a chhi pakhua heih nawpa kyh liata, khazia a reih hawh chaipa châ namâ chhuah? Izarei zydua ta abei he a o lâ a chhi pakhua awpa kyh ama reipa abei kô a vaw tlô haw.

2 SAMUELA 19:40

Abei cha Kilkal pangai ta, Kihâ chhao a hnohta sie hra ta. Zudâh chyhsa zydua ta abei cha a chhi ei ta, Izarei chyhsa chhao â khophie amâ hlao hra.

2 SAMUELA 19:9

Chatawhcha Izarei chi zydua liata zawpi zydua cha a eichhia ei ta, “Abei ta eima chariahpazy ku tawhta miah pachha ta, Philistinâ mo ku tawhta miah a pachha haw. Tahmâ Absalaw vâta, he râh tawhna heta a râ ha ta.

HÔSIA 8:4

Beizy padua ei ta, Châhrasala keima raopa châ veih ei; Beimachâzy rao ei ta, Châhrasala pahno veih ei na. Ama tâkâ nata ngôh ta nothlahpazy tao ei ta, Âmosasyh ta amâ parao.

RYUREITUHPAZY 18:9

Âmo ta, “Thyu teh u, khy sih la a kaw dyuh ei suh u. Râh cha hmô ha pi ta, moh teh u, râh pha ngaitapa a châ. Namâ chalih thlâh ha aw ma? Râh cha a ngia ta, hnei awpa ta sie awpa pahawh pasâh khah u.