2 SAMUELA 19:1 - Mara Bible RV (BSI)

¹ Chatawhcha Zôabâ hnohta, “Pachâ tua, abei ta Absalaw cha chakhei ta mâchhie a sa,” tahpa ta chho ei ta.

2 SAMUELA 19:1 ပူးပေါင်းရင်းမြစ်များ

ÂTHAONA 37:35

A sawchapaw nata a sawchanô zydua ta ano thlapalôh awpa ta thyu ei ta. Châhrasala Zakaw ta ama thlapalôhna cha a pyh khoh leipa ta, “Châ vei, mâchhiesana chôta ei sawchapawpa hnohta Athihkhih lâ ei sie aw,” tah ta. Chatanachata a paw cha ano a ngiahpa ta cha tyh ta.

2 SAMUELA 18:12

Cha chyhsa chata Zôabâ hnohta, “Ei ku liata tâkâ tlaw sâh kha ei daopa chhao ta, abei sawchapawpa chô liata ei ku hy cheita aw va na. Eima nah theina lia tlai ta abei ta nâma nata Abisai nata Itai hnohta, ‘Keima vâta thyutliapa Absalaw kha rie pahlôh muh vy,’ tahpa ta bie a cha piepa ei kha.

2 SAMUELA 18:14

Zôabâ ta, “He hawhpa chyhsa hnohta la daihti pahryuh ngâ aw va na,” tah ta, asei miathôh a chei ta, Absalaw cha ôkâ tho liata a hrohpa ta a y thlâh ha nota a châh-ao liata a chô ta.

2 SAMUELA 18:20

Zôabâ ta a hnohta, “Tanoh la thâtih a chho awpa he nâma na châ awpa pha vei, a noh hro ta chho lah vâ chi, abei sawchapawpa thi ha tlôh ta, tanoh la nâ ta thâtih na chho awpa pha vei,” tah ta.

2 SAMUELA 18:33

Abei cha a palôh pasa ngaita ta, thokhy chhikao chô lâta chhôhpadâhpa lâ khy ta, cha ta. A khy pâ ta, “Hy ei sawchapawpa Absalaw, ei sawchapawpa, ei sawchapawpa Absalaw! Nâma vyuhpa ta keima tlao ei thi thlâh ha awpa tlai! Hy Absalaw, ei sawchapawpa, ei sawchapawpa y!” tah ta.

2 SAMUELA 18:5

Abei ta Zôabâ, Abisai nata Itai zy cha, “Keima vâta thyutliapa Absalaw cha bâh kei chado muh vy,” tahpa ta biepie ta. Abei ta Absalaw kyh liata pheisaih hyutuhpa zydua bie a piepa cha zawpi zydua chhao ta thei ei ta.

2 SAMUELA 19:2

Zawpizy ta, “Abei cha a sawchapawpa vâta a tao kaw na,” tahpa ama theipa vâta, cha noh ta ama pahniena cha chyhsa zydua châta mâchhiesana tlao châ ha ta.

BIESOZY 17:25

Sawchapaw hrupa cha a paw pachârôhna châ ta, Ano a satuhpa nô palôh pasana a châ.

ZEKARIA 12:10

“Chatawhcha Dâvi pathlazy chô liata nata Zerusale liata a pahrâpazy chô liata ngiachhiena nata zawngiahna thlahpa ei hry aw. Chatanachata ama hriechheih hapa kei he na moh aw ei ta, sawchapaw matlupa mâchhie sapa hawhta keima châta mâchhiesa aw ei ta, sawchapaw uhtheipa pahleipa hawhta thata ama vâ â sâh aw.