2 SAMUELA 18:9 - Mara Bible RV (BSI)

⁹ Absalaw cha Dâvi chyhsazy a kei tyh ta. Absalaw cha a sabaitu kiah ta. Sabaitu cha ôkâ tho chiah buh ru ngaitapa ry liata a ngia ta. Absalaw luh cha ôkâ tho chiah liata a taw ha ta, avâ nata alei likawh liata a bangiehpa ta y thlâh ha ta. A ry liata sabaitu cha a râ syulyu ha ta.

2 SAMUELA 18:9 ပူးပေါင်းရင်းမြစ်များ

2 SAMUELA 13:29

Absalaw chakaotuhpazy ta Absalaw biepiepa hawhta Amanaw cha thie ha ei ta. Abei sawchapawpa zydua cha thyu ei ta, ama sabaitu chyu kiah ei ta, a râ ha ei ta.

2 SAMUELA 14:26

A sâ â hri kaw tyhpa vâta kô chhâna lâta a ngyu tyh ta, a sâ â ngyu nahta, a luh liata a sâ cha khopathliah tyh ta, abei khopathliahna hmâpa ta sekel za no a tloh ty.

2 SAMUELA 17:23

Ahitôphe cha ano ryhraona hawhta taopa a châ leipa a pahno nahta, alâ ky padia ta, pua ta, ano khih liata a o lâ sie ha ta. A chhôhkha khihsatôhtuna paryh ta, a paaosao ta, thi ta, a paw thlâ liata ama pabu haw.

2 SAMUELA 18:10

Chyhsa pakha ta hmô ta, Zôabâ chho ta, “Ôkâ tho liata Absalaw a bangieh thlâh hapa ei hmô,” tah ta.

2 SAMUELA 18:14

Zôabâ ta, “He hawhpa chyhsa hnohta la daihti pahryuh ngâ aw va na,” tah ta, asei miathôh a chei ta, Absalaw cha ôkâ tho liata a hrohpa ta a y thlâh ha nota a châh-ao liata a chô ta.

2 SAMUELA 18:8

Adyuhna cha râh chhôh zydua liata tlô ta, cha noh ta râhmâhpa ta chyhsa a palâpa cha, zaozi ta a palâpa hlâ chhao ta ama hluh via.

ZAWBÂ 31:3

Chhiena cha sialeipazy châta châ ta, Raona cha moleipazy châta châ vei ma?

BIESOZY 20:20

A paw tlyma a nô tlyma chhie a sapa cha, Zoh kaluhna su liata a meiôh pachhaipa a châ aw.

BIESOZY 30:17

Paw a mohnaopa mokhaoh nata Nô a nawhtawpa mokhaoh cha, Saikao raawhzy ta thaoh aw ei ta, Vâkhiehzy ta ama nie aw.

ZEREMIAH 48:44

“Chichhihna tawhta a râpa cha, Khaohtlô liata tla aw ta; Khaohtlô tawhta a puapa cha, Khoheih liata â ao aw. Môabâ mo hriena kô vaw patlôsa aw na ta, Cha hmozy cha ama chô liata a tlô aw,” Abeipa ta a tah.

MATHAI 27:5

Zudâh ta tâkâ cha Achhyna o chhôh liata thy ta, pua ta, sie ta a paaosao ha ta.

MÂKA 7:10

Mawsi ta, ‘Na nô nata na paw palyupalih teh. Ahy rai a nô tlyma, a paw tlyma a reipachhipa cha a thi tlai awpa a châ,’ tah ta.

KALATIA 3:13

“Tho liata bangiehpa maih cha chhiesapa ama châ,” tahpa ropa hawhta, Krista cha keimo châta chhiesapa ta y ta, ryhpa chhiesana tawhta miah a pachha haw.

RYHPACHANEINA 21:23

a ri cha tho liata azozâkhihdei a y awpa châ vei. Cha noh lia tlai ta nama pabu awpa a châ. Tho liata bangiehpa maih cha Khazohpa chhiesapa châ tlôh ei ta, Abeipa nama Khazohpa ta ryuto châta a cha piepa ei nama râh cha nama papuapalei awpa châ vei.

RYHPACHANEINA 27:16

“A nô tlyma, a paw tlyma a za leipa cha chhiesapa ta y mawh sy,” tah aw ei ta, zawpi ta, “Amen” ama tah aw.

RYHPACHANEINA 27:20

“A paw lapinô a ziakheipa cha, a paw dua a thliapa a châpa vâta, chhiesapa ta y mawh sy,” tah aw ei ta, zawpi ta, “Amen” ama tah aw.