2 SAMUELA 18:7 - Mara Bible RV (BSI)

⁷ Cha liata Dâvi chyhsazy hmiakô liata Izarei chyhsazy cha pahniepa ta y ha ei ta. Cha noh ta, cha liata chyhsa hluhpi thi ei ta, thy no dua thiepa ama châ.

2 SAMUELA 18:7 ပူးပေါင်းရင်းမြစ်များ

2 SAMUELA 15:6

Cha hawhna chata Absalaw ta abei hnohta biepeipa a vaw tlôkheipa Izarei saw zydua chô liata tao tyh ta. Chatanachata Absalaw ta Izarei chyhsazy palôh cha ano lâta sy lymâ ta.

2 SAMUELA 18:6

Pheisaihzy cha Izarei a dyuh awpa ta lyurâhpa lâ sie ei ta, amâ dyuhna su cha Epharai râhmâhpa liata châ ta.

2 SAMUELA 18:8

Adyuhna cha râh chhôh zydua liata tlô ta, cha noh ta râhmâhpa ta chyhsa a palâpa cha, zaozi ta a palâpa hlâ chhao ta ama hluh via.

2 SAMUELA 2:17

Cha noh ta amâ dyuhna cha ru ngaita ta. Abane nata Izarei pheisaihzy cha Dâvi chakaotuhpazy hmiakô liata pahniepa ta y ha ei ta.

2 SAMUELA 2:26

Abane ta Zôabâ cha awsao ta, “Zaozi cha chhâzaw ta ma a thie ngâ thlâh ha aw? A chhâna cha pachârôhna deita a châ aw tahpa pahno va chi ma? Khachâ ma zawpizy kha ama unawhzy amâ chadaina tawhta pakuasa awpa ta chho leipa ta na y aw?” tah ta.

2 SAMUELA 2:31

Dâvi chakaotuhpazy ta Abane pheisaih Benzami mo cha maluh 360 thie ei ta.

2 THÂTIHZYRONA 28:6

Remâliah sawchapawpa Pekâ ta, noh kha ta Zudâh chyhsa 120,000 thie ta. Ama zydua ta pasaipha châ ei ta, Abeipa, ama pathlatuhpazy Khazohpa amâ heihsaipa vâta pahniepa ama châ.

HLAZY 144:10

Nâ cha beizy pahniena a pietuhpa châ chi ta, Zaozi thatlôpa tawhta châ chakaotuhpa Dâvi a pachhatuhpa na châ.

BIESOZY 11:21

Hmeiseihta ta moleipa cha hrie leipa ta y leipa aw ta, Mosiapa pathlazy deikua cha pa­chhapa ta ama y aw.

BIESOZY 24:21

Ei sawchapawpa y, Abeipa chipa ta abei chhao chi la, Cha hawhta a y leipazy cha a pahlao khah y.