2 SAMUELA 18:19 - Mara Bible RV (BSI)

¹⁹ Zadô sawchapawpa Ahimazi ta, “A kei râ aw na ta, Abeipa ta a chariahpa ku tawhta a pachha hapa thâtih abei ei kei chho aw,” tah ta.

2 SAMUELA 18:19 ပူးပေါင်းရင်းမြစ်များ

2 SAMUELA 15:27

Abei ta theihthaipa Zadô hnohta, “Hmôtheituhpa châ va chi ma? Thlalôhpa ta khihpi lâ kua ha mah y. Na sawchapawpa pano, nâma sawchapawpa Ahimazi nata Abiathâ sawchapaw Zawnathâ zy chhaota kua ha muh vy.

2 SAMUELA 15:36

Ama sawchapaw pano, Zadô sawchapawpa Ahimazi nata Abiathâ sawchapawpa Zawnathâ zy chhao ama hnohta ama y. Na theipa maih âmo liata eina vaw paphao lymâ aw chi,” tah ta.

2 SAMUELA 17:17

Zawnathâ nata Ahimazi cha Erôke liata y ei ta. Khihpi amâ ngiapa ahy hmahta ama hmô awpa a pha leipa vâta, chakaotuhnô pakha ta âmo cha bie kei chho tyh ta, âmo ta Bei Dâvi ama chho pachhuah tyh.

2 SAMUELA 18:20

Zôabâ ta a hnohta, “Tanoh la thâtih a chho awpa he nâma na châ awpa pha vei, a noh hro ta chho lah vâ chi, abei sawchapawpa thi ha tlôh ta, tanoh la nâ ta thâtih na chho awpa pha vei,” tah ta.

2 SAMUELA 18:23

Châhrasala ano ta, “Khâpa rai châ sala ei kei râ aw,” tah khâchâ ha ta. Zôabâ ta, “A kei râ teh,” tah ta. Ahimazi cha bypi lâpi lâta a râ ta, Kusi chyhsa cha chhao ha ta.

2 SAMUELA 18:31

Chatawhcha Kusi chyhsa cha vaw tlô ta, Kusi chyhsa chata, “Ei zibeipa abei châta thâtih ei vaw tlôkhei! Abeipa ta châ dyuhtuhpa zydua ku tawhta tanoh a cha pachha haw,” tah ta.

HLAZY 10:14

Na hmô mâh tâh, Ruchhôna nata nôchhiena zy ngiapa ta, Na ku liata soh chi ta; Dyhchhiepa ta cha pangai ta, Paw hnei leipa baotuhpa na châ.

HLAZY 10:18

Paw hnei leipa nata tlybaipazy châta adona tao aw chi ta, Chatanachata lei chyhsazy ta pachhipary khao aw veih ei.

HLAZY 7:6

Hy Abeipa, na hiehâhpa ta thyu la, Ei chariahpazy ruchhôna thyuhnao mah y; Keima châta a hra la, Adona bie pathlu mah y.

HLAZY 9:16

Abeipa cha anosasyh ta a pahnosa ta, Adona ta ryu a reihpa a châ; Moleipazy deikua cha, Âmo khoheih chôpa liata amâ ao tyh. Hikaiô. Selah

HLAZY 9:4

Ei dona nata ei bie nâ duakheipa ta, Beidyuchhai liata a tyuh chi ta, Pachiana dopa ta na pachia tyh.

ZEREMIAH 51:31

A khihpi cha su to liata la hapa a châna kyh Babylaw bei chho awpa ta, Zikyurâtuhpa ta zikyurâtuhpa hropa a kei tyh ta, Lyuhchâpa ta lyuhchâ hropa â kei tyh.

RAWMA 12:19

Kho ngaitapa saih u, nama phuh a la leipa u la, Khazohpa pathiiana tlei hri teh u. “Phuh cha keima la awpa châ ta, kei ta viari ei thô aw, Abeipa ta a tah,” tahpa ta ropa a châ.