2 SAMUELA 18:18 - Mara Bible RV (BSI)

¹⁸ Absalaw kha a hro chhôh ta Bei Saikao liata lô a vaw bô ha ta, “Ei moh a chhy awpa sawchapaw hra hnei tlôh leipa na ta, chavâta ei moh a lei lei nawpa ta keimasasyh ta lô ei bô ha aw,” tah ta, chavâta lôbô cha ano moh bi ta, cha cha tanoh taihta Absalaw Lôbô tahpa a châ.

2 SAMUELA 18:18 ပူးပေါင်းရင်းမြစ်များ

ÂTHAONA 11:4

Chatanachata, “A vy teh u, khihpi padua sih la, o sâhpa a laki avâ a daih awpa sa sih la, eima moh pathâhsa suh u. Chataleipatala alei chô zydua liata papaipa ta eima y pathlei aw na,” tah ei ta.

ÂTHAONA 11:9

Abeipa ta cha liata khizaw zydua reih a panano khai hapa vâta, cha khihpi moh cha Babylaw bipa a châ. Chatanachata Abeipa ta âmo cha, cha su tawhta alei chô zydua liata a papai khai ha ei.

ÂTHAONA 14:17

Kedaolaome nata ano py beizy pahniepa ta â vaw lie nahta, Sâve Saikao liata ano dy awpa ta Sawdawmâ bei cha pua ta. Sâve Saikao cha Bei Saikao a châ.

2 SAMUELA 14:27

Absalaw cha sawchapaw pathôh nata sawchanô pakha sa ta, a sawchanô moh cha Tâmâri châ ta, chhithai ngaitapa a châ.

HLAZY 109:13

A pathlazy chhawh pathlahpa ta y ei sala, Chhâ a vaw pazi awpa liata a moh pahno khao leipa châ mawh sy!

HLAZY 49:11

Ama moh ta râh mohzy bi hra ei sala, Ama chhâzaw o cha ama thlâzy châ ta, Chhâ zydua ta ama pahrâ nawpa su a châ.

ISAI 22:16

Nâ, su sâhpa liata thlâ khaoh khiepa ta, lôpanô liata na châta yna khaoh a reipa chi cha, khâpa vâta ma he liata na châta thlâ khaoh na khie tly? He liata tao awpa khâpa ma na hnei tly? He liata na chyhsa ahy ma a y tly?

ZEREMIAH 22:30

Abeipa ta hetana heta a tah: “He chyhsa he saw hnei leipa ta roh la, A hro chhôh ta hlaotlohna a hnei lei awpa ta roh teh. Dâvi beidyuchhai liata a tyuhpa ta, Zudâh râh liata ryureih heih awpa ta, A chipathla ahy hmahta ama hlaotloh khao aw vei.”

DÂNIAH 4:30

abei cha patuapalua ta, hetana heta tah ta, “He Babylaw rônahpa he keima hmotaotheina nata thatlôna tlai ta abei pahrâna o châta nata ei beina rônahna châta ei paduapa châ vei mâ?” tah ta.

MALUHREINA 32:42

Nôbâ ta Kenathâ khihpi nata a khichapeihzy siehnao ta, la ta, ano moh pachyuhpa ta Nôbâ a bi.

1 SAMUELA 15:12

Samuela cha Sawla a hmô awpa ta mydi kari ta thyu ta, chyhsazy ta Samuela hnohta, “Sawla cha Kâmel lâ sie ta, cha liata ano palyupalihna alô bô ta, kua heih ta, sie lymâ ta, Kilkal lâta a zu haw,” tahpa ta chho ei ta.