2 SAMUELA 18:1 - Mara Bible RV (BSI)

¹ Dâvi ta a hnohta chyhsa a ypazy maluh reih ta, pheisaih sâh kha chô liata hyutuhpazy nata za kha chô liata hyutuhpazy tao ta.

2 SAMUELA 18:1 ပူးပေါင်းရင်းမြစ်များ

PUASAINA 17:9

Mawsi ta Zawsua hnohta, “Eima hry tawhta chapaw thokha a tlyh la, pua u la, Amale mo a kei dyuh teh u. Khazohpa chôchahrei chabapa ta, mylâ tlâh laki liata ei vaw duah aw,” tah ta.

PUASAINA 18:21

Cha thota, chyhsa hmâ tlâhpa, Khazohpa a chipa, ngâchhihpa nata avyuhna a haopa chyhsazy zawpi hry tawhta a tlyh aw chi ta, âmo cha sâh kha chô liata hyutuhpa ta zy, za kha chô liata hyutuhpa ta zy, sypangawh chô liata hyutuhpa ta zy, pahrawh chô liata hyutuhpazy ta na rao aw ei.

PUASAINA 18:25

Mawsi ta Izarei saw zydua hry tawhta hmâ tlâhpa chyhsazy a tlyh ta, âmo cha Izarei phopi hyutuhpazy ta tao ta, a sâh chô liata hyutuhpa ta zy, a za chô liata hyutuhpa ta zy, sypangawh chô liata hyutuhpa ta zy nata pahrawh chô liata hyutuhpa zy ta a rao ei.

MALUHREINA 31:14

Mawsi cha adyuhna chakaona rai lâ tawhta a vaw tlôpa pheisaih hyutuhpa, sâh kha chô liata hyutuhpazy nata za kha chô liata hyutuhpazy chô liata a pathi ia ta.

RYHPACHANEINA 20:9

Hyutuhpazy ta zawpi hnohta bie ama reih khai nahta, zawpi a chhihtha awpa pheisaih hyutuhpazy ama rao aw.

ZAWSUA 8:10

Zawsua cha mydi kari ta thyu ta, zawpi awpakhy ta, ano nata lzarei machâzy cha Ai khihpi pangaipa ta zawpi hmia lâta sie ei ta.

1 SAMUELA 22:7

Sawla ta a kiapâh liata â duahpa a chakaotuhpazy hnohta, “Nâmo Benzami mozy saih u, nathlie teh u. Zese sawchapawpa heta nama zydua ta lyuzy nata kre sadôzy a cha pie aw ei ma, a pheisaih sâh kha hyutuhpa ta zy nata za kha hyutuhpa zy ta a cha tao khai aw ei ma?

1 SAMUELA 8:12

Âmo cha a pheisaih sâh kha hyutuhpa nata sypangawh hyutuhpazy ta rao aw ta, thokhazy cha ano châta lei palietuhpa châta zy, a sâh hriatuhpa châta zy, a chariah chhaichhi taotuhpa châta nata a talailih chhaichhi taotuhpa châta zy a rao aw ei.