2 SAMUELA 17:29 - Mara Bible RV (BSI)

²⁹ kheihtizy, sâhpiti kuapazy, mietakuzy nata viahchao sâhpiti kuapazy Dâvi nata a hnohta chyhsa a ypazy nie awpa ta vaw cheih ei ta. “Zawpizy cha râhchawhpa liata ama nodi ta, panao hôlô ei ta, ama dâh a phi ngaita,” tahpa ama theipa vâta a châ.

2 SAMUELA 17:29 ပူးပေါင်းရင်းမြစ်များ

2 SAMUELA 16:14

Abei nata a hnohta chyhsa a ypa zydua cha, riethei kawpa ta Zawdâh tlô ei ta, cha liata a tha a pahno ta.

2 SAMUELA 16:2

Abei ta Zibâ hnohta, “Khazia hezy he na vaw chei?” tah ta. Zibâ ta, “Alâzy he abei chhôhkhazy kia awpa châ ta, viahchhâ nata nopi theilâpazy he satliazy nie awpa châ ta, kresawhti he râhchawhpa liata thazeipazy do awpa a châ,” tah ta.

2 SAMUELA 17:2

A riethei thachhâ kaw nota pachhai aw na ta, ei pachisa aw. Chatanachata a hnohta chyhsa a ypa zydua cha a râpai aw ei ta, abei deita ei thie aw.

HLAZY 107:5

Nodi dâhphipa ta y ei ta, Ama hro a panao khai haw.

HLAZY 84:11

Zehôvâh Khazohpa cha noh nata vyhphao châ ta, Abeipa cha khokheina nata palyupalihna a pietuhpa a châ. Âdopa ta a ypazy châta cha, Hmo phapa thlyu aw vei.

BIESOZY 21:26

Thathipa cha noh y ta khohlei khona sai ta bie ta, Mosiapa deikua cha pahlôh leipa ta tlao a pie tyh.

ISAI 21:14

Nâmo, Temâ râh liata a pahrâpazy saih u, Dâhphipazy cha ti ta dy u la; Arâpazy viahchhâ ta dy muh vy.

ISAI 58:7

Nodipazy na viahchhâ piena noh ta hmâ awpa châ ta, O hnei leipazy na o lâ achhina noh ta hmâ awpa a châ. Thluahruapazy chysia piena noh ta hmâ awpa châ ta, Na heinawh a nyusai leina noh ta hmâ awpa a châ.

LUKA 8:3

Herawda sôh mokhâhtuhpa Kuza lapinô Zôanâ, Susanâ nata ahropa hluhpizy ama châ. Âmozy chata ama hneina tawhta Zisu cha ama deichhy lymâ.

RAWMA 12:13

Mopathaihpa a phahlapazy deichhy u la, khichhai pasô muh vy.

1 SAMUELA 17:18

Sâhpiti kuapa tlo hrawh he, ama py liata pheisaih sâh kha hyutuhpa na phaopa aw. Na uhtazy cha ama pha ma tahpa kei hiahri la, ama thâtih na vaw tlôkhei aw,” tah ta.