2 SAMUELA 17:20 - Mara Bible RV (BSI)

²⁰ Absalaw chakaotuhpazy cha chanô o lâ vawh ei ta, a hnohta, “Ahimazi nata Zawnathâ kha khataih liata ma ama y?” tah ei ta. Chanô ta ama hnohta, “Chavah ama chaka bâ aw,” tah ta. Tlua ei ta, hmô leipa ei ta, Zerusale lâ a lie ha heih ei ta.

2 SAMUELA 17:20 ပူးပေါင်းရင်းမြစ်များ

2 SAMUELA 15:34

Châhrasala khihpi lâ a liepa ta, Absalaw hnohta, ‘Hy abei y, châ chakaotuhpa ta ei y aw, kha hlâta na paw chakaotuhpa ta ei y tyhpa hawhna khata, tahmâ he nâma chakaotuhpa ta ei y aw,’ na kei tah khiahta cha, Ahitôphe ryhraokheina tlao eina pahniepa aw chi.

PUASAINA 1:19

Nawhpaytuhpazy ta Phiraoh hnohta, “Hebrai chanôzy cha Izi chanôzy hawhta châ veih ei. Âmo cha ama nawh y naota ta, nawhpaytuhpazy ama tlô hlâta nawh amâ vaw chhaih hmâ ha tyh,” tah ei ta.

THEIHTHAINA 19:11

“Nama paru awpa châ leipa ta, dôveipa ta hmo nama tao awpa châ hra leipa ta, haipa bie namâ chho raihrie awpa châ vei.

RYUREITUHPAZY 4:20

Siserâ ta Zaeli hnohta, “Poh o chhikao liata a duah la, chyhsa ahy rai a vy sala, ‘He liata chyhsa a y ma,’ tahpa ta a cha hiahri khiahta cha, ‘Y vei’ tah lymâ mah y,” tah ta.

1 SAMUELA 21:2

Dâvi ta theihthaipa Ahimele hnohta, “Abei ta hmo na pataosa ta, ei hnohta, ‘Hmo ei cha pataosapa nata bie ei cha piepa zy he ahy hmahta pahno khah ei sy,’ khâchâ tah ha ta. Su raopazy liata a tyh awpa ta satliazy ei chho ha ei.