2 SAMUELA 17:14 - Mara Bible RV (BSI)

¹⁴ Absalaw nata Izarei chyhsa zydua ta, “Arakhi chyhsa Husai ryhraopa he Ahitôphe ryhraopa hlâta a pha via na,” tah ei ta. Absalaw chô liata Abeipa ta chhiena a patlôsa thei nawpa ta, Ahitôphe ryhraona phapa cha pahnie awpa ta Abeipa ta a vaw pachhuahpanoh hapa a châ.

2 SAMUELA 17:14 ပူးပေါင်းရင်းမြစ်များ

ÂTHAONA 32:28

Chyhsa chata, “Na moh Zakaw cha tah khao aw veih ei, Izarei na châ ha aw, Khazohpa nata chyhsapa a pia chi ta, na pahnie hapa vâta,” tah ta.

2 SAMUELA 15:31

Chyhsa pakha ta Dâvi hnohta, “Ahitôphe cha Absalaw hnohta y ta, teiparutuhpazy hry liata â hlao hra,” tahpa ta chho ei ta. Dâvi ta, “Hy Abeipa, ei châ haw na, Ahitôphe ryhraokheina cha hruna lâta rie pachâsa mah y,” tah ta.

2 SAMUELA 15:34

Châhrasala khihpi lâ a liepa ta, Absalaw hnohta, ‘Hy abei y, châ chakaotuhpa ta ei y aw, kha hlâta na paw chakaotuhpa ta ei y tyhpa hawhna khata, tahmâ he nâma chakaotuhpa ta ei y aw,’ na kei tah khiahta cha, Ahitôphe ryhraokheina tlao eina pahniepa aw chi.

2 SAMUELA 16:23

Kha daihti liata cha, Ahitôphe ryhraona biezy cha Khazohpa bie hawhta pachâpa a châ tyh. Chavâta Ahitôphe ryhraokheinazy cha, Dâvi chhao, Absalaw chhao, ama pasô ngaitapa a châ.

2 THÂTIHZYRONA 10:15

Zawpi bie cha abei ta nathlie khoh vei. Abeipa ta Silô chyhsa Ahiza hmâpa ta Nebâ sawchapawpa Zerôbaw hnohta bie a reipa a vaw tlô thei nawpa ta, Khazohpa ta a pataosapa a châ.

2 THÂTIHZYRONA 10:8

Châhrasala pawhrâhpazy ryhraokheina cha thy ta, ano richâhkha thyutlia a hmiakô liata a duah tyhpazy tlao a saohiah ta.

2 THÂTIHZYRONA 25:16

Hrohsopa ta bie a rei hai nota, abei ta a hnohta, “Abei ryhraokheituhpa ta eima cha tao ma? A chalih teh! Khazia na thi aw,” tah ta. Hrohsopa ta, “He hmo he tao chi ta, ei ryhraokheina nâ pyh leipa vâta, Khazohpa ta pahleipadia a châ chhuah haw tahpa ei pahno,” tah ta, chatawhcha a chalih ha ta.

2 THÂTIHZYRONA 25:20

Châhrasala Amazia ta nathlie khoh leipa ta. Edômâ khazohzy amâ chhypa vâta, ama chariahzy ku liata pie awpa ta Khazohpa ta ryh a rao hapa a châ.

NEHEMIAH 4:15

Amâ chhuahna eima pahnonazie eima chariahzy ta vaw thei ei ta. Khazohpa ta amâ chhuahna a parao hapa eima pahnonazie chhao vaw thei hra ei ta. Chatanachata thokhy lâ kua heih pi ta, eima raihria chyu hria heih pi ta.

ZAWBÂ 12:17

Ryhraotuhpazy thluahruapa ta pasiesa ta, Ryureituhpazy ahrupa ta a tao ei.

HLAZY 9:15

Phopizy âmo khaohtlô chaopa liata tla ei ta, Â nyupa ta sao ama paraipa liata Ama phei â ao tyh.

HLAZY 9:16

Abeipa cha anosasyh ta a pahnosa ta, Adona ta ryu a reihpa a châ; Moleipazy deikua cha, Âmo khoheih chôpa liata amâ ao tyh. Hikaiô. Selah

PUASAINA 9:16

Châhrasala ei hmotaotheina cha pahmôsapa ta, khizaw zydua liata ei moh pathâhsapa a châ thei nawpa ta ei cha paduapa a châ.

BIESOZY 19:21

Chyhsapa palôh liata achhuahna hluhpi y ta, Châhrasala a duah awpa cha Abeipa ryhraopa a châ tyh.

BIESOZY 21:30

Kheihawhpa sona, novâhna nata ryhraothaina hmahta Abeipa cha pahnie aw vei.

ISAI 8:10

Pachânazy cha reih pahmaoh teh u, Châhrasala khâpa hmah châ aw vei; Bie cha reih teh u, Châhrasala a duah aw vei, Khazohpa eima hnohta a ypa vâta.

CHAPHÔHTUNA 3:37

Abeipa ta bie a pie leipa khiahta cha, Ahy ma a bie reipa a patlôsa thei tly?

AMÔSÂ 9:3

Kâmel tlâh laki liata a nyu hra ei sala, Tluapapuapa ta cha tawhtapa cha la aw ei na ta; Tilaipi ry liata nâ nyusai hra ei sala, Cha liata parih bie pie aw na ta âmo cha a pachu aw ei.

LUKA 16:8

A zibeipa ta sôh mohôhtuhpa adoleipa cha ryhraona a pahno thaipa liata tlao reithai ha ta. Khizaw sawzy he âmo chhâ hmo kyh liata la, khaihpa sawzy hlâta ama vaw so via.

1 KAWRINI 3:19

He khizaw sona he, Khazohpa pachâ ta hruna châ tlôh ta. “Khazohpa ta chyhsa sopazy cha, âmo so piehpiena ta a paao tyh,” tahpa ta ropa a châ.

RYHPACHANEINA 2:30

Châhrasala Hesbaw bei Sihaw ta a râh siepahlie miah pasaih vei. Nama ku liata a cha pie thei nawpa ei ta, Abeipa nama Khazohpa ta a palôh kuh pachhasa ta, tanoh ta a duahmo nama pahnopa hawhna heta, chhôrupa ta a tao haw.

ZAWSUA 11:20

Abeipa ta Mawsi bie a piepa hawhta, Zawsua ta âmo cha zawngiahna hnei leipa ta, tlokhuh pahleipadia ta a pamua khai nawpa ei ta, Abeipa ta ama palôh kuh pachhasa ta, Izarei a padyuhsapa ei.