2 SAMUELA 17:10 - Mara Bible RV (BSI)

¹⁰ chakeibarôhneipa palôh a phaohpa pasaiphazy palôh taihta a dua khai ha aw. Na paw cha chyhsa thatlôpa châ ta, a hnohta a ypazy chhao pasaiphazy ama châzie Izarei zydua ta pahno khai tlôh ei ta.

2 SAMUELA 17:10 ပူးပေါင်းရင်းမြစ်များ

ÂTHAONA 49:9

Zudâh cha chakeibarôhneipa taw châ ta, Hy ei sawchapawpa, Sa taipa tawhta a laiseihpa na châ. Zudâh cha a bôh ta, Chakeibarôhneipa hawhta a byu ta, Chakeibarôhneipa panô hawhta â byu tyh; Ahy a pathyu ngâh aw?

2 SAMUELA 1:23

“Sawla nata Zawnathâ kha, Kho a chhih ei ta amâ ngia ngaita dia! Hro chhôh ta a kao ei ta, Thina liata chhao a chhaih veih ei; Pahmôhpi hlâta chatlie via ei ta, Chakeibarôhneipa hlâta ama tha a tlô via.

2 SAMUELA 17:9

Pachâ tua, tahmâ chhao he khataih khaohtlô liata tlyma, khataih su liata tlyma, â nyu ha bâ aw. Âmo ta na chyhsazy tlao a vaw dyuh tua aw ei ta, zawpi ama pao hôlô khiahta cha, a theipa maihta, ‘Absalaw a zituhpazy thata ama thie,’ tah aw ei ta,

2 SAMUELA 23:20

Zehôdâ sawchapawpa Benai cha Kâbaze chyhsa riahphapa châ ta, hmo rônahpazy a taotuhpa a châ. Môabâ chyhsa riahphapa pano thie ta, dâhaw tla daihti liata zu ta, khaohtlô liata chakeibarôhneipa a thiepa a châ.

HLAZY 89:19

Hlâno ta na chyhsa ngâchhihpa hnohta, Aluahna ta hetana heta na tah: “Pasaipha hnohta thatlôna pie na ta, Phopi vyuhpa ta atlypa cha ei cheihchalo.

PUASAINA 15:15

Edômâ beizy chihuhpa ta y ei ta, Môabâ pasaiphazy amâ chalyu; Kâna mo zydua chipa ta ama zao khai haw.

BIESOZY 28:1

Ahy ta hmah ama chadai leipa chhao ta, Moleipazy cha a râpai ei ta; Mosiapazy deikua cha, Chakeibarôhneipa hawhta ama riah a pha.

HLAZY HLA 3:7

Moh tua u, Sawlawmaw amâ syna dyuchhai a châ huh! Pasaipha sycharu ta chadô ei ta, Izarei pasaiphazy ta ama chadô.

ISAI 13:7

Chavâta ku zydua thazeipa ta y aw ta, Chyhsa to palôh a zao khai aw.

ISAI 19:1

He he Izi kyh chhochhieliena bie a châ: Moh tua u, Abeipa cha meihdo chatliepa kiah ta, Izi râh lâ â vy hai. Izi râh khazoh nothlahpazy a hmiakô liata a chalyu awh ei ta, Izi mo palôh cha ama chhôh liata a zao khai aw.

EZEKIA 21:15

Chatanachata ama palôh dua aw ta, chyhsa hluhpi ama pao aw. Ama thokhy chhikao zydua zaozi patliepa hnohta ei hlâ haw. Cha cha dôhla hawhta taopa zaozi châ ta, thie nawpa ta taopa zaozi a châ.

RYHPACHANEINA 1:28

Khataih lâ cha ma eima khy aw? Eima unawhzy ta, “Cha phopi cha keimo hlâta pahreih via ei ta, ama doh chhao a sâh via ta, ama khihpizy lai kaw ta, avâ a daihpa thokhyzy ta amâ dôh. Anâki pathlazy chhao eima hmô,” tah ei ta, eima hnabei miah ama pady khai haw,’ tah ei chi ta.

HEBRAI 11:34

Mei hmotaotheina pachhai ei ta, zaozi tiahpa khôkhâh ei ta, chiehleina tawhta thatlôpa ta taopa ama châ. Adyuhna liata pasaipha châ ei ta, chihropa pheisaihzy a chadai ei ta amâ râpai.

1 SAMUELA 16:18

Satlia pakha ta a chhy ta, a hnohta, “Pachâ teh, Bethlehe khihpa Zese sawchapawpa pakha hmô na ta, ano cha totâ tô thai ngaitapa, chyhsa riahphapa, adyuhpa chyhsa, bierei a thai kawpa nata hmipha ngaitapa châ ta, Abeipa ta a ypâpa chyhsa a châ,” tah ta.

1 SAMUELA 18:17

Chatawhcha Sawla ta Dâvi hnohta, “Moh teh, he he ei sawchanô uhtheipa Merâbi a châ hih. Ano he lapinô ta ei cha pahneisa aw. Keima châta riahpha ngaitapa ta y la, Abeipa adyuhnazy cha a dyuh mah y,” tah ta. Sawla ta, “Kei ta Dâvi chô liata ku pathla leipa aw sah la, Philistinâ mo ta a chô liata ku tlao pathla lah vâ ei,” tahpa ta pachâna a hneipa vâta, cha hawhta a taopa a châ.