2 SAMUELA 16:4 - Mara Bible RV (BSI)

⁴ Abei ta Zibâ hnohta, “Nathlie teh, Mephibôse hneipa zydua nâma eih a châ,” tah ta. Zibâ ta, “Ei châ naoh na, Hy ei zibeipa abei y, na modypa ta y ei chhuah lymâ aw,” tah ta.

2 SAMUELA 16:4 ပူးပေါင်းရင်းမြစ်များ

2 SAMUELA 14:22

Zôabâ cha a hmia alei lâ a khupa ta pao ta, a naoh ta, abei cha byhnâ awpa ta. Zôabâ ta, “Hy ei zibeipa abei y, abei ta a chakaotuhpa hiapa hlao a patlohna liana heta, tanoh cha châ chakaotuhpa he na modypa ei châ tahpa ei pahno,” tah ta.

2 SAMUELA 14:4

Tekô chanô ta abei cha bie a chho ta, a hmia alei lâ a khupa ta a naoh ta, a hnohta, “Hy abei y, na bao teh,” tah ta.

2 SAMUELA 14:8

Abei ta chanô hnohta, “Na o lâ a di la, nâma kyh liata biepiepa ei vaw tao aw,” tah ta.

2 SAMUELA 16:3

Abei ta, “Na zibeipa sawchapawpa zaw, khataih liata ma a y?” tah ta. Zibâ ta abei hnohta, “‘Tanoh he Izarei phopi ta ei paw khinarâh eina pie pakhua aw ei,’ tah ta, Zerusale liata a vaw y haw,” tah ta.

2 SAMUELA 16:5

Bei Dâvi cha Bahuri a tlô nahta, Sawla pho heihpa Kerâ sawchapawpa a moh Simei ama tahpa cha vaw pua ta, chhiesa lymâna chôta a vy ta.

2 SAMUELA 19:27

Châhrasala nâ chakaotuhpa ta châ chakaotuhpa he ei zibeipa abei lâta â do leipa ta eina leih hapa tlao a châ. Ei zibeipa abei cha Khazohpa vâlyuhchâpa hawhta châ chi ta, pha na tahpa hawhta tao mah y.

2 SAMUELA 9:6

Sawla sawchapawpa Zawnathâ saw­chapawpa Mephibôse cha Dâvi lâ a vy ta, a hmia lâta pao ta, a naoh ta. Dâvi ta, “Mephibôse!” tah ta. Ano ta, “Châ chakaotuhpa ei châ,” tah ta.

2 SAMUELA 9:9

Bei Dâvi ta Sawla chakaotuhpa Zibâ cha aw ta, a hnohta, “Sawla hneipa zydua nata a pathlazy hmo zydua kha na zibeipa samohpa he ei pie khai haw.

PUASAINA 23:8

Panaopapana na la awpa châ vei. Panaopapana ta mo pavâpa mo pachaosa ta, mosiapa cha biedopa tawhta a patleisa tyh.

BIESOZY 18:13

Bie thei pasia hlâta achhyna a piepa chyhsa cha, A hruna nata a maophyuhna a palâsa.

BIESOZY 18:17

A vaihzy a vy ei ta ama padei hlâta cha, A thaichâna bie a reih tuapa cha adopa hawhta â lâ tyh.

BIESOZY 19:2

Pahnona a phahlapa hro cha pha leipa ta, A phei a parapa chhao a sumiesumâ tyh.

RYHPACHANEINA 19:15

“Ryhpa paraopa vâta tlyma, kheihawhpa hmo paraopa vâta tlyma leihpa chyhsa cha, pahnokheituhpa pakha bie ta thailei pachâsa awpa châ vei. Pahnokheituhpa pano bie ta tlyma, pahnokheituhpa pathôh bie ta tlyma pa-i awpa a châ.