2 SAMUELA 16:23 - Mara Bible RV (BSI)

²³ Kha daihti liata cha, Ahitôphe ryhraona biezy cha Khazohpa bie hawhta pachâpa a châ tyh. Chavâta Ahitôphe ryhraokheinazy cha, Dâvi chhao, Absalaw chhao, ama pasô ngaitapa a châ.

2 SAMUELA 16:23 ပူးပေါင်းရင်းမြစ်များ

2 SAMUELA 15:12

Absalaw ta atheihnazy a hlâ chhôh ta chyhsa tuah ta, Kilô khihpa Ahitôphe, Dâvi ryhraokheituhpa cha, a khih Kilô lâ kei palasa ta. Teiparuna cha a thatlô via lymâ ta. Absalaw py chhao pôh via lymâ ei ta.

2 SAMUELA 15:31

Chyhsa pakha ta Dâvi hnohta, “Ahitôphe cha Absalaw hnohta y ta, teiparutuhpazy hry liata â hlao hra,” tahpa ta chho ei ta. Dâvi ta, “Hy Abeipa, ei châ haw na, Ahitôphe ryhraokheina cha hruna lâta rie pachâsa mah y,” tah ta.

2 SAMUELA 17:1

Ahitôphe ta Absalaw hnohta, “Chyhsa 12,000 a tlyh aw na ta, tazâ Dâvi a chadai awpa ta ei pua aw.

2 SAMUELA 17:14

Absalaw nata Izarei chyhsa zydua ta, “Arakhi chyhsa Husai ryhraopa he Ahitôphe ryhraopa hlâta a pha via na,” tah ei ta. Absalaw chô liata Abeipa ta chhiena a patlôsa thei nawpa ta, Ahitôphe ryhraona phapa cha pahnie awpa ta Abeipa ta a vaw pachhuahpanoh hapa a châ.

2 SAMUELA 17:23

Ahitôphe cha ano ryhraona hawhta taopa a châ leipa a pahno nahta, alâ ky padia ta, pua ta, ano khih liata a o lâ sie ha ta. A chhôhkha khihsatôhtuna paryh ta, a paaosao ta, thi ta, a paw thlâ liata ama pabu haw.

ZAWBÂ 28:28

Chatawhcha chyhsapa hnohta, ‘Pachâ teh, Khazohpa china he sona cha châ ta, Moleina a heihsaipa he pahnona cha a châ,’ a tah,” tah ta.

ZAWBÂ 5:12

So piehpiepazy hmochhuahpa parao ta, Ama ku ta hlaotlohna tlôkhei vei.

HLAZY 19:7

Abeipa ryhpa cha phapaki ta, Hro a taopathi; Abeipa bieraopa cha ngâ a chhih ta, Ahrupa a pasosa.

HLAZY 28:2

Na baona hiapa ta cha pado na ta, Na su pathaih chaipa lâ ei kuzy ei pazawh tita, Zawngiahna ei châ hiana ao thei mah y.

BIECHHOTUHPA 10:1

Mathyu thipa thu roh ta ropahâhpa roh a pahleipa hawhta, Bâhta hruna ta sona nata zachhihna a pahlei thei.

ZEREMIAH 4:22

“Ei phopi cha hru ha ei ta, Na pahno veih ei; Saw nokhih leipazy châ ei ta, Novâhna hnei veih ei. Hmo pha leipa taona liata so kaw ei ta, Hmo phapa taonazie deikua pahno veih ei,” Abeipa ta a tah.

ZEREMIAH 8:9

Chyhsa sopazy maophyuh aw ei ta, Chihuhpa ta ypa ta patupa ama châ aw. Pachâ teh u, Abeipa bie ama thy ha tawhta cha, Âmo liata khâpa sona cha ma a y khao aw?

MALUHREINA 27:21

Ano cha theihthaipa Eliaza hmiakô liata a duah aw ta, theihthaipa Eliaza ta Abeipa hmiakô liata Uri hmâpa ta pachiana bie a hiahripa tyh aw. Ano nata a hnohta a ypa Izarei zawpi zydua ano rei sai ta pua aw ei ta, ano rei sai ta amâ ngia aw,” tah ta.

MATHAI 11:25

Cha daihti liata Zisu ta, “Hy ei Paw, lei nata vâ Beipa, nâ ta he hmozy he chyhsa sopa nata novâhpazy liata nyu chi ta, hawti chyhpazy hnohta na phuahpa vâta ei châ ly ngaita.

LUKA 16:8

A zibeipa ta sôh mohôhtuhpa adoleipa cha ryhraona a pahno thaipa liata tlao reithai ha ta. Khizaw sawzy he âmo chhâ hmo kyh liata la, khaihpa sawzy hlâta ama vaw so via.

RAWMA 1:22

Chyhsa sopa hawhta a reih ei ta, ahrupa lâta ama pua haw.

1 PITY 4:11

Ahy rai bie a reihpa maih Khazohpa bie hawhta reih sala, a chakaopa maih Khazohpa ta thatlôna a piepa lymâ hawhta chakao mawh sy. Chatanachata Zisu Krista vâta Khazohpa cha kyh to liata palyupalihpa ta a y thei aw. Rônahna nata hmotaotheina cha chhâzaw nata tlyzaw ta ano eih châ tlôh ta. Amen.

1 SAMUELA 30:8

Dâvi ta Abeipa a saohiah ta, “Pheisaihzy cha ei chadai aw ei ma? Ei pha aw ei ma?” tah ta. Abeipa ta a chhy ta, “A chadai teh, âmo cha pha cheingei aw chi ta, na chyhsazy na pachha khai heih aw ei,” tah ta.