2 SAMUELA 16:21 - Mara Bible RV (BSI)

²¹ Ahitôphe ta Absalaw hnohta, “Na paw ta o hâ awpa ta a sopa a nôthozy lâ a kei ngia teh, chatanachata Izarei zydua ta na paw châta roh chhiepa ta nâ tao haw tahpa vaw pahno aw ei ta, na chhâh a châpa zydua ku thapatlôpa ta a y aw,” tah ta.

2 SAMUELA 16:21 ပူးပေါင်းရင်းမြစ်များ

ÂTHAONA 34:30

Zakaw ta Simeôna nata Livai hnohta, “Nâmo vâta rairuna ei tyh ha hih. Râh liata a pahrâpa, Kâna mo nata Perizi mo hmia liata ei roh nama pachhie haw. Kei cha chyhsa chyhta dei ei hnei hih. A awpakhy ei sala, einâ dyuh khiah ei ta cha, kei nata ei o liata a ypa zydua pahleipadiapa eima châ aw,” tah ta.

ÂTHAONA 35:22

Cha râh liata Izarei a y nota, Rubena cha vawh ta, a paw nôtho Bilhâ a ziakhei ta. Izarei ta cha cha pahno ha ta. Zakaw cha sawchapaw pahrawh hleino hnei ta.

ÂTHAONA 38:16

Lâpi kiah liata chanô lâ cha kei pangai ta, “A vy teh, ei châ ziakhei aw,” tah ta. A myuhnô kha a châ tahpa pahno leipa ta. Tâmâri ta, “Einâ ziakhei thei nawpa chi ta, khâpa eina pie aw chi?” tah ta.

ÂTHAONA 6:4

Cha nohzy liata nata cha hnôhlâ chhao ta, alei chô liana heta mopahreihpa sahlao y ei ta. Cha chyhsazy cha Khazohpa sawchapawzy ta chyhsa sawchanôzy hnei ei ta ama pathlazy ama châ. Âmo he hlâno ta chyhsa thatlôpa nata mohpathâhpazy kha ama châ.

2 SAMUELA 10:6

Amawna mo cha Dâvi hmia liata ama roh a chhie haw tahpa ama pahno nahta, Amawna mo ta Berô nata Zôbâ liata Aramia alei pheisaih 20,000 bieta ei ta, Mâkâ bei lâta 1,000 nata Tôbâ mo lâta 12,000 bieta hra ei ta.

2 SAMUELA 12:11

Abeipa ta hetana heta a tah, ‘Pachâ teh, na pathlazy cheingei tawhta na chô liata hmo pha leipa a tao awpa padua aw na ta, na mohmô liata na lapinôzy la aw na ta, na opapa pie aw na ta, nohchhô sawhvaw ta na lapinôzy cha â ziakhei aw ei.

2 SAMUELA 13:5

Zônadâ ta a hnohta, “Na rakhô liata a zia la, a tlâh leipa hawhta y pakhei la, na paw ta a cha vaw mo tita, a hnohta, ‘Ngiachhiepa ta ei sietanô Tâmâri a vy sala, viahchhâ ei nie awpa bâh na vaw pie mawh sy. Ei mohmô liata viahchhâ na taopa sala, a viahchhâ taopa cha moh aw na ta, ano ku ta eina paniesa aw,’ na vaw tah aw,” tah ta.

2 SAMUELA 15:16

Abei cha pua ta, a o liata a ypa zydua ta pazi ei ta. A nôtho pahrawhzy deikua cha, o hâ awpa ta abei ta siesai ta.

2 SAMUELA 16:20

Absalaw ta Ahitôphe hnohta, “Khâpa ma eima tao tua chai aw? Na ryhraozie reih teh,” tah ta.

2 SAMUELA 17:7

Husai ta Absalaw hnohta, “Tahmâ tahpa liana heta la Ahitôphe ryhraona he pha vei,” tah ta.

2 SAMUELA 2:7

Chavâta tahmâ nama kuzy thatlôpa ta y sala, riahphapa ta y teh u. Nama zibeipa Sawla cha thi ha ta, Zudâh pathlazy ta ama bei châ awpa ta kei he sathaw eina thu ei hih,” tah ta.

2 SAMUELA 20:3

Dâvi cha Zerusale liata a o kei tlô ta, abei ta o hâ awpa ta a nôtho a sopa pahrawhzy kha a chhi ta, o kha liata soh pakhy ta, âmo cha a chyh pazao lymâ ei. Ama hnohta deikua a ngia khao vei. Ama thi noh taihta khawhlôhpa ta y ei ta, ama vahpa a hroh thlâh hana chôta nôhmeipa ta ama y.

1 ABEIZY 11:25

Ano chhao he Hâdâ hawhna khata Sawlawmaw rie a patheituhpa châ ta, Sawlawmaw hro chhôh zydua ta Izarei khakhaipa châ lymâ ta, Izarei a chhyh thai leipa a châ. Aramia râh chô liata ryureituhpa ta a y.

1 ABEIZY 2:17

Adôniza ta, “Sunâ zuah Abisâ he ei lapinô châta na pie awpa ta, ngiachhiepa ta Bei Sawlawmaw na chhopa mah y, nâma bie cha paryhsa leipa ta y aw vei,” tah ta.

1 ABEIZY 2:22

Bei Sawlawmaw ta a nô cha a chhy ta, a hnohta, “Kheihtazie ta ma Sunâ zuah Abisâ cha Adôniza châta na vaw hia thlâh haw? Adôniza cha bei pachâsa awpa ta hiapa lâlao châh chi, ano cha ei uhta a châpa he! Theihthaipa Abiathâ nata Zeru sawchapawpa Zôabâ zy chhao ano chhâh a châhpa ama châpa kha,” tah ta.

THEIHTHAINA 18:8

“Na paw lapinô hno na ty awpa châ vei. Cha cha na paw dua thliapa a châ.

THEIHTHAINA 20:11

A paw lapinô a ziakheipa cha, a paw dua a thliapa châ ta, ama pano ta thie thlyu awpa a châ. Ama thisaih maoh ama phaoh aw.

ZEKARIA 8:13

Hy Zudâh pathlazy nata Izarei pathlazy saih u, phopizy hry liata chhiesana bie châta hmâpa vaw châ tyh hra u la, tahmâ cha cha pachha aw ei na ta, byhnâ nama châ bâ aw. Chi leipa u la, nama ku tha patlô teh u!”

1 KAWRINI 5:1

Nama hry liata apatlana a ypa kyh thata a pathâh. Chyhsa pakha ta a paw lapinô ykhei ta, cha hawhpa hmo cha ngiapâleipazy hry lia hmahta a y beih leipa a châ.

1 SAMUELA 13:4

Sawla ta Philistinâ pheisaih su a dyuh ta a pahniepa thâtih nata Izarei cha anosasyh ta Philistinâ mo khakhaipa ta â tao haw tahpa thâtihzy Izarei zydua ta thei ei ta. Izarei phopi cha Sawla hnohta Kilkal liata a hmaohpakhy ei ta.

1 SAMUELA 27:12

Akisâ ta Dâvi cha ngâ kaw ta, “A chiheih Izarei sawzy ta amâ hao awpa ta anosasyh ta â tao ha hih. Chavâta nâ chakaotuhpa ta chhâzaw ta a y bâ aw,” tahpa ta pachâ ta.