2 SAMUELA 16:2 - Mara Bible RV (BSI)

² Abei ta Zibâ hnohta, “Khazia hezy he na vaw chei?” tah ta. Zibâ ta, “Alâzy he abei chhôhkhazy kia awpa châ ta, viahchhâ nata nopi theilâpazy he satliazy nie awpa châ ta, kresawhti he râhchawhpa liata thazeipazy do awpa a châ,” tah ta.

2 SAMUELA 16:2 ပူးပေါင်းရင်းမြစ်များ

ÂTHAONA 21:29

Abimele ta Abarahâ hnohta, “Mietakutaw chanôpa pô sari ânano ta na sopa kha khâpa ma a yzie?” tah ta.

ÂTHAONA 33:8

Esaw ta, “Sahroh hri ei vaw tyhpa zydua kha, khâpa ma a yzie?” tah ta. Zakaw ta, “Ei zibeipa hmiakô liata ngiachhiena ei hmô thei nawpa ta ei taopa a châ,” tah ta.

2 SAMUELA 15:1

Cha khai tawhta hetana heta vaw châ ta, Absalaw ta talailih miakha nata arâzy nata chyhsa sypangawh a hmia lâta a râ awpa zy a chhuanoh ta.

2 SAMUELA 15:23

Râh zydua ta aoh tlili ta cha ei ta. Zawpi zydua cha sie ei ta, abei cha Kidaraw chavah chaka ta, zawpi zydua cha râhchawhpa lâ pangaipa ta sie ei ta.

2 SAMUELA 17:29

kheihtizy, sâhpiti kuapazy, mietakuzy nata viahchao sâhpiti kuapazy Dâvi nata a hnohta chyhsa a ypazy nie awpa ta vaw cheih ei ta. “Zawpizy cha râhchawhpa liata ama nodi ta, panao hôlô ei ta, ama dâh a phi ngaita,” tahpa ama theipa vâta a châ.

2 SAMUELA 19:26

Ano ta a chhy ta, “Ei zibeipa, Hy abei y, nâ chakaotuhpa ta eina dôpa vâta a châ. Châ chakaotuhpa heta, ‘Abei hnohta ei sie hra aw, ei kia awpa alâ ky na padiapa para teh,’ tah na ta. Châ chakaotuhpa he pheisypa châ tlôh na ta.

EZEKIA 37:18

Na phopi sawzy ta, ‘Kha hawhta na taopa kha khâpa ma na rei khoh tahpa miah chho aw va chi ma?’ ama cha tah khiahta cha,

RYUREITUHPAZY 10:4

Zairâ cha alâ sythôh a kiah tyhpa sawchapaw­ sythôh a hnei. Khihpi sythôh hnei ei ta, chazy cha tanoh taihta Hâvô Zairâ tahpa ta awpa a châ.

RYUREITUHPAZY 5:10

“Nâmo, alâ râhpa a kiahpazy saih u, Cha biezy cha phuah u la; Nâmo, pohphaw liata a tyuhpazy saih u, Cha biezy cha phuah u la; Nâmo, lâpi a chhihpazy saih u, Cha biezy cha phuah teh u.

1 SAMUELA 14:28

Pheisaih pakha ta a hnohta, “Na paw ta, ‘Tanoh pati a niepa cha chhiesapa ta y mawh sy’ tahpa ta pheisaihzy bietai a i ngaitapa ta chahry ha ta, chavâta pheisaihzy he ama panao hapa a châ,” tah ta.

1 SAMUELA 25:27

Tahmâ châ chakaotuhnô ta ei zibeipa châta hmosaipa ei vaw cheipa he, ei zibeipa a vaw zipa satliazy he pie awpa ta rie paryhsa mah y.