2 SAMUELA 16:16 - Mara Bible RV (BSI)

¹⁶ Dâvi viasapa Arakhi chyhsa Husai cha Absalaw kô a tlô nahta, Husai ta Absalaw hnohta, “Abei cha hroh pareih mawh sy! Abei cha hroh pareih mawh sy!” tah ta.

2 SAMUELA 16:16 ပူးပေါင်းရင်းမြစ်များ

2 SAMUELA 15:32

Dâvi cha Khazohpa achhyna tlâh laki a tlô nahta, Arakhi chyhsa Husai cha viahkao a hriepa a kypa ta, a luh liata alei chhaota ano dy awpa ta a vy ta.

2 SAMUELA 15:34

Châhrasala khihpi lâ a liepa ta, Absalaw hnohta, ‘Hy abei y, châ chakaotuhpa ta ei y aw, kha hlâta na paw chakaotuhpa ta ei y tyhpa hawhna khata, tahmâ he nâma chakaotuhpa ta ei y aw,’ na kei tah khiahta cha, Ahitôphe ryhraokheina tlao eina pahniepa aw chi.

2 SAMUELA 15:37

Chatanachata Dâvi viasa Husai cha, Absalaw Zerusale â ngia hai nota, ano chhao khihpi a ngia ha hra ta.

1 ABEIZY 1:25

Tanoh zu ta, viahchao tôhpazy, sahroh dawpa pathawhpazy nata mietaku­zy thata thie ta, abei sawchapawpa zydua nata pheisaih hyutuhpazy nata theihthaipa Abiathâ zy hrua ta. Adôniza hmiakô liata niepa ta doh ei ta, ‘Bei Adôniza hroh pareih mawh sy!’ ama tah.

1 ABEIZY 1:34

Cha liata, theihthaipa Zadô nata hrohsopa Nâthâ ta Izarei bei châta sathaw za thu mawh ei sy. Cha khai tawhta chiahmie tô aw ei chi ta,, ‘Bei Sawlawmaw hroh pareih mawh sy!’ nama tah aw.

1 ABEIZY 4:5

Nâthâ sawchapawpa Azariah cha bia a vaotuhpazy hyutuhpa châ ta, Nâthâ sawchapawpa Zabu cha theihthaipa nata abei viasa châna a pakaoh.

2 ABEIZY 11:12

Zehôdâ ta abei sawchapawpa cha vaw puakhei ta, beilakho pakho ta, biehraina ryuchâ pie ta. Chatawhcha bei ta phuahpa ta, sathaw thu ei ta, ama ku chabaih ei ta, “Abei cha hroh pareih mawh sy,” tah ei ta.

DÂNIAH 2:4

Kaldia mo chata abei hnohta Aramia reih ta, “Hy abei y, hroh kôzaw mah y! Na mâsapa cha châ chakaotuhpazy he chho la, eima chhopasia aw,” tah ei ta.

DÂNIAH 5:10

Abei nata beimachâzy biereipazy vâna chata abeinô cha kyhchhina o chhôh lâ a vaw ngia ta, abei hnohta, “Hy abei y, hroh kôzaw mah y! Na pachâpa ta cha patypamâ leipa sala, na hmia chhao hlâh hra khah sy.

DÂNIAH 6:21

Dâniah ta abei hnohta, “Hy abei y, hroh kôzaw mah y!

DÂNIAH 6:6

Hyutuh laipazy nata bia avaotuhpazy cha rei a paraohpa ta abei lâ vawh ei ta, a hnohta, “Hy Bei Dâria y, hroh kôzaw mah y!

MATHAI 21:9

A hmia lâta a siepa nata a hnôh lâta a pazipa zawpizy ta, “Dâvi Sawchapawpa hnohta Haozanâ! Abeipa moh ta a vypa cha reithaipa ta y mawh sy! Chônôchaipa liata Haozanâ y mawh sy!” tahpa ta awh ei ta.

1 SAMUELA 10:24

Samuela ta zawpi zydua hnohta, “Abeipa ta â tlyhpa chyhsa he nama hmô ma? Chyhsa zydua hry liata ano hawhpa rai y veih ei,” tah ta. Zawpi zydua ta, “Abei cha hroh pareih mawh sy!” tahpa ta awh ei ta.