2 SAMUELA 16:12 - Mara Bible RV (BSI)

¹² Abeipa ta ei chô liata â doleipa ta a hmotaopa he hmô aw ta, tanoh ta ei chô liata chhie a sapa he a phapa lâta Abeipa ta eina thô thei mâh tâh,” tah ta.

2 SAMUELA 16:12 ပူးပေါင်းရင်းမြစ်များ

2 SAMUELA 16:13

Chatanachata Dâvi nata a chyhsazy cha lâpi liata sie lymâ ei ta, Simei cha âmo dady ta tlâh hiakha lâta sie lymâ hra ta, chhiesa pâna chôta sie laih ta, Dâvi cha alô ta vawh ta, buchâh zy hie ta.

2 ABEIZY 19:4

Khazohpa hrohpa pasipasawh awpa ta, a zibeipa Asuria bei ta a kaw tuapa Râbâsake bie zydua kha, Abeipa na Khazohpa ta thei ta, a biereipa a theipazy vâna chata Abeipa na Khazohpa ta a ra tlai aw. Chavâta laibâhpa a y tlakaihpazy châta na thlahchhâna avâ lâ pakiasa mah y,’ a cha tah,” tah ei ta.

HLAZY 10:14

Na hmô mâh tâh, Ruchhôna nata nôchhiena zy ngiapa ta, Na ku liata soh chi ta; Dyhchhiepa ta cha pangai ta, Paw hnei leipa baotuhpa na châ.

HLAZY 109:28

Âmo cha chhiesatuhpa châ ei sala, Nâ deikua cha byhnâ pietuhpa châ mah y! Ama thyu tita maophyuhpa ta y ei sala, Châ chakaotuhpa deikua cha thaphapa ta y mawh sy!

HLAZY 132:1

Hy Abeipa, Dâvi khokhei awpa a thei la, A riethei taona zydua a thei mah y;

HLAZY 25:18

Ei pasataona nata nôpona he pachâ la, Ei moleina zydua nâ ngiahthai mah y.

BIESOZY 25:22

A luh chô liata meihei iapa a pathlupa châ aw chi ta, Abeipa ta lymâ a cha pie aw.

BIESOZY 26:2

Boby a viapa hawhta nata siviah â zawpa hawhta, A chhâpa y leipa ta chhiesapa cha a pai aw.

ISAI 27:7

Izarei a tutuhpazy a tupa hawhna khata, Izarei cha a tu hra ma? Izarei a thietuhpazy a thiepa hawhna khata, Izarei cha a thie hra ma?

ZÔELA 2:14

Abeipa nama Khazohpa cha, A ngiapachhi leipa aw ta, A palôh panano aw vei tahpa ahy ma a pahno ei chi? Niepa hlâna nata dopa hlânazy Ano lâ nama hlâ thei nawpa ta, Byhnâzy cha siesaipa aw veih ei tahpa chhao, Ahy ma a pahno ei chi?

RAWMA 8:28

Khazohpa kyh a pachâtuhpa, ano achhuahna hawhta a awpazy châta, Khazohpa ta ato liata ama pha nawpa ta a hriapa tyh ei tahpa eima pahno.

2 KAWRINI 4:17

Bohpi leipa chhôh riethei chyhta eima taopa nata pakho thei rimâ lei awpa chhâzaw rônahna eima to awpa châta miah a pachhuahpanohpa a châ.

RYHPACHANEINA 23:5

Châhrasala Abeipa nama Khazohpa ta Bâlâma cha nathlie khoh vei. Abeipa nama Khazohpa ta kyh a cha pachâpa vâ ei ta, chhiesana cha nama châta byhnâ ta tlao a pachâsa haw.

RYHPACHANEINA 23:6

Ama thlalôh nawpa nata ama hneirôh nawpa ta, nama hro chhôh zydua khati ta hmahta nama pachâkhei awpa ei châ vei.

2 THYSALAWNIKA 1:7

Eima Beipa Zisu, a vâlyuhchâpa thatlôpazy chhaota meipaleih hry liata â vaw luah tita, keimo hawhta pasa a taopazy a cha pahâsa aw ei.

HEBRAI 12:10

Lei liata eima pawzy ta daihti chyuta chhôh, pha ama tahzie hawhta miah chhorei ei ta, Abeipa deikua cha, eima pha nawpa ta tlao miah a chhorei tyh. Chatanachata a pathaihna eimâ hly thei aw.

1 SAMUELA 1:11

Abeipa lâta bietai miakha tao ta, a hnohta, “Hy Pheisaihzy Abeipa, na sei­chanô taopasazie he hmôpa ta, na seichanô he my leipa la, nâ theipa ta, na seichanô he sawchapaw eina pie khiah chi ta la, a hro chhôh zydua ta Abeipa pie lilaw aw na ta, a luh ngyupa châ aw vei,” tah ta.