2 SAMUELA 16:11 - Mara Bible RV (BSI)

¹¹ Dâvi ta Abisai nata bei chakaotuhpa zydua hnohta, “Pachâ teh u, ei sawchapawpa, ei chhôh chhipa cheingei ta thie einâ chhuahpa châ ta, he Benzami chyhsa chhochhi heta cha, thie einâ chhuah pachai aw dia! Kheihta hmahta tah khah u. Chhie cha sa thlâh ha lah vâ. Abeipa ta a pataosapa na a châ aw.

2 SAMUELA 16:11 ပူးပေါင်းရင်းမြစ်များ

ÂTHAONA 15:4

Abeipa bie a hnohta vaw tlô heih ta, “He chyhsa heta na ryu to aw vei. Na chhôh tawhta a puapa tlai ta na ryu cha a to aw,” tah ta.

ÂTHAONA 45:5

He râh lâ eina zuapa vâ ei chi ta nama pachârôh leipa sala, nâmosasyh â hao hra khuh vy. Hrona pabohsa awpa ta, Khazohpa ta nama hmia lâta eina vaw tuapa a châ.

2 SAMUELA 20:1

Cha liata Benzami chi Bikhari sawchapawpa a moh Sebâ ama tahpa chyhsa leilôpa pakha y ta, ano chata chiahmie tô ta, “Dâvi liata tovyuh hnei leipa pi ta, Zese sawchapawpa liata ryuto hnei ma pi; Hy Izarei, nama poh o chyu lâta a di teh u!” tah ta.

2 SAMUELA 7:2

abei ta hrohsopa Nâthâ hnohta, “Pachâ tua, keima cha sidy o liata pahrâ na ta, Khazohpa Byh deikua cha poh o liata a pahrâ thlâh haw,” tah ta.

2 ABEIZY 19:37

Noh kha cha a khazoh Nisrô achhyna o liata khazoh â chhy hai nota a sawchapawzy, Adarâmele nata Sareze ta zaozi ta chhawhsao ei ta, Ararâ râh lâ amâ râ hapa vâta, a sawchapaw hropa Esâhadô ta ano su liata â bei haw.

2 THÂTIHZYRONA 32:21

Abeipa ta vâlyuhchâpa za tuah ta, ano chata Asuria bei riehmo liata pasaiphazy, pheisaih hyutuhpazy nata chhituhpa zydua a thie khai ha ei. Chatanachata Senâkeri cha noza hmiachhiepa ta a râh lâ â lie haw. Noh kha cha a khazoh o lâ a vaw nota, ano sawchapawzy ta zaozi ta ama chhawhsao haw.

HLAZY 109:28

Âmo cha chhiesatuhpa châ ei sala, Nâ deikua cha byhnâ pietuhpa châ mah y! Ama thyu tita maophyuhpa ta y ei sala, Châ chakaotuhpa deikua cha thaphapa ta y mawh sy!

EZEKIA 14:9

“Hrohsopa cha dôveipa ta ypa ta, bie a reih khiahta cha, kei Abeipa ta hrohsopa cha ei dôveipa châ ta, a chô liata ei ku hy aw na ta, ei phopi Izarei hry tawhta ei pahleipadia ha aw.

EZEKIA 20:25

Cha dei châ vei, bieraopa pha leipazy nata hrona ama hnei lei nawpa ryhpazy lâta âmo cha hlâ ei na ta,

MATHAI 10:21

Thie awpa ta, unawhpa ta a unawhpa patusa aw ta, paw ta a saw a patusa aw. Sawzy ta nôpawzy a dyuh aw ei ta, ama pathiesa aw.

1 SAMUELA 26:19

Chavâta ei zibeipa abei y, châ chakaotuhpa biezy he tahmâ vaw nathlie tua mah y. Keima nâ dyuh awpa palôh châ pahneisapa he, Abeipa a châ khiahta cha, hmohlâpa a pyh sala, chyhsazy ama châ khiahta deikua cha, Abeipa hmiakô liata chhiesapa ta y mawh sy. ‘Sie la khazoh hropazy kei chakao teh,’ na tah ei ta, Abeipa ryu liata tovyuh ei hnei thei lei nawpa ta, tanoh eina papua ha ei hih.