2 SAMUELA 15:7 - Mara Bible RV (BSI)

⁷ Kô sypalih tlohna noh ta, Absalaw ta abei hnohta, “Ngiachhiepa ta Abeipa lâta bie ei taihpa ei patlô thei nawpa ta Hebraw lâ na pasiesa mah y.

2 SAMUELA 15:7 ပူးပေါင်းရင်းမြစ်များ

2 SAMUELA 13:38

Absalaw cha a râ ta, Kesu râh lâ sie ta, cha liata kô thôh kei y ta.

2 SAMUELA 3:2

Dâvi cha Hebraw liata sawchapawzy hnei ta, a sawchapaw uhtheipa cha Zezari zuah Ahinô liata a sapa Amanaw a châ.

2 SAMUELA 3:3

A panona cha Kâmel zuah Nâbâ ta a panôhmeipa Abikai liata a sapa Khilia châ ta, a pathôhna cha Kesuri bei Tâmai sawchanô Mâkâ sawchapawpa Absalaw châ ta;

BIESOZY 21:27

Moleipa atheihna hlâpa cha pasichhihpa châ ta, Moleina palôh chhaota a hlâpa chhochhi cha pasi â chhih via pachai.

ISAI 58:4

A hryuchhia awpa ta kâhvileipa ta y ei chi ta, A tudai awpa ta kâhvilei ta nama y; Moleina kutô ta a chô awpa ta, Kâhvileipa ta a ypa nama châ. Tanoh ta kâhvileipa nama hmâzie hawhpa heta la, Chô lâ tawhta nama ao thei nawpa châ hlei aw vei.

MATHAI 2:8

Bethlehe khih lâta âmo cha pasiesa ta, “Sie u la, hawsaih cha a phapa ta kei tlua teh u. Nama hmô nahta, a thâtih thlai na vaw chho muh vy. Chatanachata kei chhao sie aw na ta, ei kei naoh hra aw,” tah ta.

MATHAI 23:13

“Nâmo, ryhpa pachutuhpa nata Phârisaih phapakheipazy saih u, nama hu a po na! Chyhsazy châta vârâh khinarâh khaw ei chi ta, nâmo hra a ngia tlôh leipa ei chi ta, chyhsazy a ngia awpa pasai pyly veih ei chi.

1 SAMUELA 16:13

Samuela ta saki ôh sathaw cha la ta, ano cha a unawhzy hmiakô liata sathawthu ta. Cha noh tawhna chata, Abeipa Thlahpa cha Dâvi chô liata thatlô ngaitapa ta vaw tlô ta. Samuela cha thyu ta Râmâ lâ sie ha ta.