2 SAMUELA 15:31 - Mara Bible RV (BSI)

³¹ Chyhsa pakha ta Dâvi hnohta, “Ahitôphe cha Absalaw hnohta y ta, teiparutuhpazy hry liata â hlao hra,” tahpa ta chho ei ta. Dâvi ta, “Hy Abeipa, ei châ haw na, Ahitôphe ryhraokheina cha hruna lâta rie pachâsa mah y,” tah ta.

2 SAMUELA 15:31 ပူးပေါင်းရင်းမြစ်များ

2 SAMUELA 15:12

Absalaw ta atheihnazy a hlâ chhôh ta chyhsa tuah ta, Kilô khihpa Ahitôphe, Dâvi ryhraokheituhpa cha, a khih Kilô lâ kei palasa ta. Teiparuna cha a thatlô via lymâ ta. Absalaw py chhao pôh via lymâ ei ta.

2 SAMUELA 16:23

Kha daihti liata cha, Ahitôphe ryhraona biezy cha Khazohpa bie hawhta pachâpa a châ tyh. Chavâta Ahitôphe ryhraokheinazy cha, Dâvi chhao, Absalaw chhao, ama pasô ngaitapa a châ.

2 SAMUELA 17:14

Absalaw nata Izarei chyhsa zydua ta, “Arakhi chyhsa Husai ryhraopa he Ahitôphe ryhraopa hlâta a pha via na,” tah ei ta. Absalaw chô liata Abeipa ta chhiena a patlôsa thei nawpa ta, Ahitôphe ryhraona phapa cha pahnie awpa ta Abeipa ta a vaw pachhuahpanoh hapa a châ.

2 SAMUELA 17:23

Ahitôphe cha ano ryhraona hawhta taopa a châ leipa a pahno nahta, alâ ky padia ta, pua ta, ano khih liata a o lâ sie ha ta. A chhôhkha khihsatôhtuna paryh ta, a paaosao ta, thi ta, a paw thlâ liata ama pabu haw.

2 SAMUELA 17:5

Absalaw ta, “Arakhi chyhsa Husai kha kei aw u la, ano reipa nathlie tua hra ei suh u,” tah ta.

2 SAMUELA 17:7

Husai ta Absalaw hnohta, “Tahmâ tahpa liana heta la Ahitôphe ryhraona he pha vei,” tah ta.

ZAWBÂ 5:12

So piehpiepazy hmochhuahpa parao ta, Ama ku ta hlaotlohna tlôkhei vei.

HLAZY 109:3

Ahaona bie ta na chadô ei ta, A chhâpa y leipa ta einâ dyuh ei.

HLAZY 3:1

Hy Abeipa, nâ dyuhtuhpazy ama hluh kaw dia! Chyhsa hluhpi ta na thyuhnao ei ta,

HLAZY 41:9

Viasa lôhkhy ei ngâpa, Ei pati a niepa taihta, A phei eina thuah thlu.

HLAZY 55:10

Chhô nah zâ ta khihpi cha a thokhy chô liata chahlô ei ta, Khihpi chhôh cha moleina nata tymâna ta a bie.

HLAZY 55:12

Nâ reipachhietuhpa cha chariahpa a châ khiahta cha, Maoh oh thei thlâh ha aw na ta; Nâ palai thlupa cha khakhaipa a châ khiahta cha, Ei nyusai thei thlâh ha aw.

ISAI 19:3

Izi mo cha ama palôh pachhâsapa châ aw ta, Ama ryhraona ei patypamâ aw. Khazoh nothlahpazy nata dyuthaipazy a saohiah aw ei ta, Peihthaipazy nata pachaothaipazy amâ saohiah aw.

ISAI 44:25

Hrohso pakheipazy maoh paphyuhpa ta, Ama chhochhieliena biezy â do leizie a palâsatuhpa châ na ta, Peihthaipazy ahrupa ta a taotuhpa ei châ. Asopazy hnôh lâ paheihsa na ta, Ama pahnona hruna lâta a paliesatuhpa ei châ.

ZAWHÂNA 13:18

Nama zydua kyh reih va na. Ei tlyhpazy cha ei pahno ei. Châhrasala, ‘Ei viahchhâ a niepa ta a phei chakoh eina hy thlu,’ tahpa Biehrai kha a vaw tlô aw.

1 KAWRINI 1:20

Chyhsa sopa cha khataih liata a y? Châthaipa cha khataih liata a y? He khizaw liata bie ei thaipa cha khataih liata a y? Khazohpa ta khizaw sona cha hruna ta tao ha vei ma?

ZÂMIE 3:15

Cha sona cha chô lâ tawhta a za tlôpa sona châ leipa ta, khizaw sona châ ta, thlahpa tawhta châ leipa ta, ahripa tawhtapa tlao a châ.