2 SAMUELA 15:25 - Mara Bible RV (BSI)

²⁵ Abei ta Zadô hnohta, “Khazohpa Byh kha khihpi chhôh lâ a sy pakhua teh u. Abeipa modypa ta ei y khiahta cha, nâ vaw chhi pakhua heih aw ta, Kha­zohpa Byh nata a pahrâna cha eina pahmôsa heih aw.

2 SAMUELA 15:25 ပူးပေါင်းရင်းမြစ်များ

2 SAMUELA 6:17

Abeipa Byh cha a ngiakhei ei ta, a so nawpa ta Dâvi ta a paraipa poh o chhôh liata a su raopa liata soh ei ta. Dâvi ta raopa hlânazy nata aryhna hlânazy Abeipa hmiakô liata hlâ ta.

2 SAMUELA 7:2

abei ta hrohsopa Nâthâ hnohta, “Pachâ tua, keima cha sidy o liata pahrâ na ta, Khazohpa Byh deikua cha poh o liata a pahrâ thlâh haw,” tah ta.

HLAZY 122:1

Chyhsazy ta ei hnohta, “Abeipa o lâ pangai ei suh u!” Ama tah nota ei ly kaw tyh.

HLAZY 122:9

Abeipa eima Khazohpa o vâta, Na châta a pha awpa ei tlua aw.

HLAZY 26:8

Hy Abeipa, na yna o tlaichhai kaw na ta, Na rônahna pahrâna su ei tlaichhai ngaita.

HLAZY 84:10

Na dôhpachhôh tlyhmia liata noh kha ypa cha, Su hropa liata noh sâh kha ypa hlâta a pha via. Moleipa poh o liata pahrâpa hlâta cha, Ei Khazohpa o chhikao vaituhpa châ awpa ei khoh via.

PUASAINA 15:13

“Na kyhpachâna tleih leipa ta phopi na chatlaipa cha a chhi chi ta, Na thatlôna ta na yna su pathaihpa lâ nâ chhi ei.

PUASAINA 33:12

Mawsi ta Abeipa hnohta, “Nâ ta ei hnohta, ‘He phopi he a chhi teh,’ tah chi ta, châhrasala nâ sielâh awpa chyhsa na chho tlôh leipa chi ta. Cha leipa chhao ta, ‘Na moh ta cha pahno na ta, nâ chhao ei modypa ta na y hra,’ na tah chi ta.

PUASAINA 33:13

Na mo ei dy khiahta cha, ngiachhiepa ta na lâpizy na pahmô mah y. Chatanachata cha pahno aw na ta, na modypa ta ei y lymâ thei aw. He phopi he na phopi ama châpa rie a thei mah y,” tah ta.

ISAI 38:22

Hezekia ta, “Abeipa o lâ ei khy heih awpa ngiana cha khâpa ma a châ aw,” tahpa ta a vaw hiahripa kha a châ.

ZEREMIAH 25:30

“Chavâta ama chô liata he hrohsona biezy he phuah thlu aw chi ta, ama hnohta hetana heta na tah aw: “‘Abeipa cha su sâhpa tawhta a rôh aw ta, A pahrâna pathaihpa tawhta a ao a papua aw; A mietaku sadô thata a rôh thlu aw ta, Kre saohtuhpazy hawhta, Alei liata a pahrâpa zydua a awh thlu aw ei.

ZEREMIAH 7:4

‘He he Abeipa Achhyna o a châ, Abeipa Achhyna o a châ, Abeipa Achhyna o a châ,’ tahpa haipa biezy nama zo awpa châ vei.