2 SAMUELA 15:20 - Mara Bible RV (BSI)

²⁰ Zâhnia tliata liata vaw tlô chi ta, tanoh he eima hnohta chakhâ kiah ta, chhutla chô awpa ta ei cha tao aw ma? Vaw pua taraw na ta, khataih lâ ma ei sie aw tahpa chhao pahno va na hih? Kua ha mah y. Na unawhzy chhao na hnohta a chhi ha mah y. Ngiachhiena nata ngâchhihna na hnohta y mawh sy,” tah ta.

2 SAMUELA 15:20 ပူးပေါင်းရင်းမြစ်များ

2 SAMUELA 2:5

Dâvi ta Zabekilia mo lâ chyhsa tuah ta, ama hnohta, “Nama zibeipa Sawla chô liata nama ngâchhihna palâsapa ta, a ri nama pabupa vâta Abeipa ta byhnâ cha pie mawh ei sy.

2 SAMUELA 2:6

Abeipa ta nama chô liata phana nata ngâchhihna palâsa mawh sy! He hmo nama taopa vâna heta, kei chhao ta phana ta ei cha thô aw ei.

HLAZY 25:10

A biehrai nata a ryhpa a zyhtuhpazy châta la, Abeipa lâpi zydua cha kyhpachâna nata ngâchhihna sai a châ.

HLAZY 56:8

Ei viavinazy ngiapa ta, Ei mothlihzy na chhiehraôh liata ryh chi ta, Na châbu liata ropa a châ.

HLAZY 57:3

Khazohpa ta a zawngiahna nata a ngâchhihna tuah aw ta, Avâ tawhta vaw tuapa ta na pachha aw ta, Nâ taolatuhpazy maophyuhpa ta a paysa aw. Selah

HLAZY 59:15

Nie awpa tluapa ta a khiekhâ ei ta, Ama rih a bie vei khiahta cha ama pahnua tyh.

HLAZY 61:7

Khazohpa hmiakô liata tlyzaw ta a bei sala, Ngâchhihna nata biehmeiseihpa cha, Ano hrôbiehtuhpa ta raopa mah y!

HLAZY 61:8

Chatanachata na moh reithaina hla sa aw na ta, Ei bietaizy noh chareih ei patlô aw.

HLAZY 85:10

Ngâchhihna nata biehmeiseihpa a tyh ei ta, Siana nata thlalôhna ta amâ pahnâ.

HLAZY 89:14

Siana nata adona cha na beidyuchhai abôna châ ta, Kyhpachâna nata ngâchhihna na hmia lâta ama sie.

BIESOZY 14:22

Hmo pha leipa tao a chhuahpazy cha viavi tyh ei ta, Hmo pha tao a chhuahpazy deikua cha kyhpachâna nata biehmeiseihpa ama hlao tyh.

BIESOZY 3:3

Ngâchhihna nata biehmeiseihpa ta châ heihsai khah sy; Na rao liata chazei la, Na palôh lôphiapa liata roh ha mah y.

AMÔSÂ 8:12

Tilaipi tawhta tilaipi hropa lâ sie aw ei ta, Maw lâ tawhta nochhi lâ ama sie aw; Su to lâta a râ aw ei ta, Abeipa bie ama tlua aw; Châhrasala hmô aw veih ei.

ZAWHÂNA 1:17

Ryhpa cha Mawsi hmâpa ta piepa châ ta, ngiachhiena nata hmeiseihna deikua cha, Krista zawhzi ta a vaw ypa a châ.

1 SAMUELA 23:13

Dâvi nata a chyhsazy za charu rachhôhpazy cha thyu ei ta, Keilâh tawhta pua ei ta, siena rypaohpa lâ maih sie ei ta. Dâvi cha Keilâh tawhta â râ haw tahpa Sawla chho ei ta, chavâta hrâsie â chhuahpa cha pathleih ha ta.